O‘qitishning interaktiv”Kuchsiz zveno” usullari uchun savollar

Иммунитети. Одамда сўзакка қарши туғма иммунитет йўқ. Касалликдан соғайгандан сўнг турғун, кучли, узоқ давом этадиган иммунитет ҳосил бўлмайди. Беморнинг қон зардобида иммуноглобулинлар (агглютинин, реципитин, опсонин, комплементни боғловчи антителолар) пайдо бўлади. Аммо улар ҳам касалликдан ҳимоя қилмайди, шунинг учун одам бу касаллик билан бир неча маротаба касалланиши мумкин. Сўзакда тугалланмаган фагоцитоз қайд қилинади.
Лаборатория ташҳиси. Сўзакнинг ўткир хилида ташҳис, асосан, бактериоскопик усул билан аниқланади. Текшириш учун уретра, қин, вульва, бачадон бўйни, эркаклик бези, тўғри ичак, коньюнктивалардан ажралган йиринг ҳамда сийдикда ҳосил бўлган чўкма олинади. Улардан суртма тайёрланиб, Грамм ва Лёффлер усулларида, метилен кўки билан бўяб, микроскоп остида кўрилади. Бунда кўкимтир рангда бўялган лейкоцитларнинг ичида тўқ рангли ловиясимон гонококклар кўринади. Лекин ташҳис қўйишда гонококклар, асосан, Грам усулида бўялади. Бунда гонококклар жуфт-жуфт бўлиб, қизил рангга киради. Асосан лейкоцитлар ичида жойлашади. Уларнинг бу ҳолда жойлашиши худди “асаларининг уяси”даги кўринишни эслатади. Одатда ўткир сўзакка чалинган беморларга бактериоскопик усулда ташҳис қўйиш унчалик мураккаб эмас.
Касалликнинг сурункали хилига ташҳис қўйишда культурал усулдан фойдаланилади. Бунда патологик ажралма гўштли-агарли муҳитга экилади. Гонококклар соф культурасини ажратиш учун СО₂ миқдори ҳаво таркибида 5–10% бўлиши талаб қилинади. Бундан ташқари, комплементни боғлаш реакцияси, билвосита гемагглютинация реакцияси ва аллергик синамалардан фойдаланилади.
Давоси. Сўзакни даволаш мутахассисдан антибактериал (рокситромицин лек), иммунотерапевтик, маҳаллий ва физиотерапевтик муолажаларни бир йўла мукаммал билишни талаб қилади; юқоридаги усулларни қўллаш зарарланган ўчоқнинг характерига қараб олиб борилади
Касалликнинг олдини олиш. Бунинг учун аҳолининг турмуш даражасини, иш, оила шароитини яхшилаш, уларнинг санитария маданиятини юксалтиришга қаратилган бир қатор чораларни амалга ошириш лозим.
Бленнореянинг олдини олиш учун барча туғруқхоналарда ҳар бир янги туғилган чақалоқнинг кўзига 1–2 томчи альбуцид томизилади