O„qish 4 Texnologik xaritalardan o„qish darslarida foydalanish

Lugʻat ishi: 
achchiqlanmoq – 
jahli chiqmoq, g‗azablanmoq
 
tasalli bermoq – 
tinchlantirmoq,yupantirmoq, taskin bermoq
 
jild – 
biror narsa ustidan kiydiriladigan, qoplab qo‗yiladigan g‗ilof
 
Darslik bilan ishlash. 
«Rolli o„qish» 
O‗quvchilar hikoyani rollarga bo‗linib o‗qiydilar. Olti nafar o‗quvchi muallif, 
Qosimjon, Muhabbat, Odil, Tohir, direktor kabi rollarga bo‗linadilar va ularning 
so‗zlarini o‗qiydilar. O‗qiyotganlarida har bir qahramonning xarakterini ochib bera 
olishlari lozimligi tushuntiriladi.
IV. Yangi mavzuni mustahkamlash. 
Yangi mavzuni mustahkamlash maqsadida quyidagi mashq bajariladi. 
«Kim tez topadi?» mashqi 
Berilgan so‗zlar orasidan hikoyaga oidlarini tanlab, gaplar hosil qilish va 
chizmada ko‗rsatish lozim bo‗ladi. 
1.
Ertasiga, mushuk, shirin, devoriy, chumoli, gazeta, qiziq, chiqdi, o‗qidi. 

---

140 
(Ertasiga devoriy gazeta chiqdi.) 
2.
Qosimjon, menga, boshini, kulib, quyi, go‗shtni, solgancha, tez, jim, qoldi, 
turaverdi. 
 
(Qosimjon boshini quyi solgancha jim turaverdi.) 
3.
Qosimjonning, bizni, ko‗zlarida, mehnat, yiltillab, tepalik, yosh, mehr, 
tomchilari, bilindi, ko‗rindi. 
 
(Qosimjonning ko‗zlarida yiltillab yosh tomchilari ko‗rindi.) 
Mashq natijasi e‘lon qilinadi va xulosalanadi. 
«Maqollar bilag„oni» musobaqasi. 
Har bir qatordan bittadan o‗quvchi doska oldiga chiqib, kamtarlik va 
manmanlik haqida maqollar aytishi kerak. Eng ko‗p aytgan o‗quvchi g‗olib 
bo‗ladi. Maqollar: 
Ish boshlaganda maqtanma,
Ish bitganda maqtan.
Do‗stingga sir ayt, 
Manmanlikdan qayt. 
Kamtar bo‗lsang, obro‗ ortar,
Manman bo‗lsang, ensa qotar. 
Kamtar yetar murodga,
Manman qolar uyatga. 
Kamtarga — kamol,
Manmanga — zavol. 
Kamtarga egil,
Manmanga keril. 
Manmanlikni netarsan,
Obro‗yingdan ketarsan. 
Maqtangan pand yeydi,
Kamtarin qand yeydi. 
Mevali daraxt yerga engashar,
Mevasiz daraxt ko‗kka tirmashar. 
Sayoz daryo shovqin oqar,
Chuqur daryo sokin oqar. 
Haddidan oshsa kishi, 
Maqtanish bo‗lar ishi. 
G‗olib o‗quvchi aniqlanadi va rag‗batlantiriladi.