O‘q otish va uni o‘qitish metodikasi fanidan ma’ruzalar matni Buxoro – 2020-yil. Annotatsiya ushbu dastur 5111500 «Chaqiriqqacha harbiy ta’lim»

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI

BUXORO DAVLAT UNVERSITETI
HARBIY TA’LIM FAKULTETI


MAXSUS TAYYORGARLIK SIKLI
O‘Q OTISH VA UNI O‘QITISH METODIKASI
fanidan ma’ruzalar matni

Buxoro – 2020-yil.
ANNOTATSIYA

Ushbu dastur 5111500 «Chaqiriqqacha harbiy ta’lim» yo‘nalishiga mo‘ljallangan bo‘lib,talabalarga O‘q otish va uni o’qitish metodikasi kursi bo‘lg‘usi bakalavrlarni (rezervdagi ofitserlarni) O‘q otish va uni o’qitish metodikasi haqidagi bilimlar bilan qurollantirish, ularda O‘zbekiston Respublikasi Qurolli Kuchlari ofitseri uchun zarur bo‘lgan jismoniy sifatlarni shakllantirish maqsadini ko‘zlaydi.

Taqrizchi: Maxsus tayyorgarlik sikli boshlig‘i:l-nt A.M.Uzoqov.
Tuzuvchi:Maxsus tayyorgarlik sikli o‘qituvchisi:p/p-k E.Sh.Niyazov


MUNDARIJA


Mavzu-1. O‘q otish fanining o‘qitilishi maqsadi va vazifasi.
Mavzu-2. Kichik kalibrli miltiq.
Mavzu-3. Kichik kalibrli miltiqdan otishni o‘rgatish va uning texnikaviy usullari.
Mavzu-4. Yotgan holatda kichik kalibrli vintovkadan otish mashqini texnikasi o‘rgatish.
Mavzu-5. Kichik kalibrli miltiqdan tasmadan foydalanib yotgan holda otish texnikasi.
Mavzu-6. CHYOT dasturiga asosan otish tirlarida otish darslarini tashkil qilish va o‘tkazish.
Mavzu-7. Talabalarni kichik kalibrli miltiqlar bilan o‘tkaziladigan “salomatlik” kompleksi normativlarini topshirishga tayyorlash.
Mavzu-8. O‘q otish musobaqalarni tishkil etish va o‘tkazish.
Mavzu-9. Pnevmatik miltiqdan “Yosh mergan” nishonining me’yorlarini topshirishga o‘quvchilarni tayyorlash.

KIRISH
Ushbu fan “Chaqiriqqacha harbiy ta’lim” yo‘nalishiga mo‘ljallangan bo‘lib talabalarga O‘zbekiston Respublikasi Qurolli Kuchlarida mavjud bo‘lgan kichik kalbrli miltiq haqida ma’lumot beradi. Bu fan orqali bo‘lajak harbiy pedagoglarga kelajakdagi Vatan himoyachilarni Quroli Kuchlari safiga tayyorlashda poydevor sifatida muhim rol o‘ynaydi.
O’q otish tayyorgarlik fanining maqsad va vazifalarini o’rganish tartibi, o’q otish fanining rivojlanish tarixi, o’qituvchining chaqiriqqacha yoshlarni tayyorlashdagi uning roli, o’q otish qurollaridan foydalanilganda texnik xavfsizligiga rioya qilish va harbiy sport musobaqalarida qatnashish, o’quvchi talabalarni fanga bo’lgan qiziqishlarni oshirish va oliy o’quv yurtlarida kollejlarda, litseylarda yuqori darajada o’tkazilishiga erishish. Bu fanning oldiga qo’yilgan vazifalarini tinglovchi yoshlarga mukammal darajada yetkazish , shu bilan bir qatorda ularni vatanparvarlik ruhida tarbilashga e’tibor qaratish , hozirgi zamon talablaridan biri ekanligi haqida gapirib berish.
Mazkur fanining o‘tishidan maqsadi va vazifalari talabalarni bilimga qo‘yiladigan talablar aks etilib boshqa fanlar bilan aloqasi hamda fanining o‘qitilishida qo‘llaniladigan vositalar, jihozlar, uslubi va texnologiyalar o‘rin olgan.
“O‘q otish tayyorgarligi” fanida o‘rganiladigan materiallar, boshqa harbiy fanlar bilan chambarchas bog‘liqdir,shuningdek fanni o‘rganishda yoshlarni vatanparvar, jasur-dovyurak bo‘lishlarida muhim ahamiyat kasb etadi va yuqori natijalarni beradi.
“O‘q otish va uni o‘qitish uslubiyoti” fani talaba-yoshlarni O‘zbekiston Respublikasi Qurolli Kuchlari safiga chaqiriqqacha yoshlarni tayyorlashda katta rol o‘ynaydi.
Talabada kichik kalbrli miltiqni har bitta qismini yaxshi bilishlari va o‘q otish qurollaridan dars jarayonidan shunindek “Salomatlik” o‘q otish sport o‘yinlarida foydalanganlarida texnik xavfsizligiga rioya qilishlari kerak.