Ona tilidan bilim va malakalarni umumlashtirish darslari

ONA TILIDAN BILIM VA MALAKALARNI UMUMLASHTIRISH DARSLARI


MUNDARIJA
I KIRISH
II ASOSIY QISM
1.Boshlang’ich sinf o’quvchilarida ilmiy dunyoqarash elementlarini shakllantirishda ona tilini o’rganishning o’rni
2.Boshlang’ich sinf o’quvchilariga ona tilini o’rgatishning lingvistik asoslari
3.Ona tilidan bilim, ko’nikma va malakalarni nazorat qilish
4.Boshlang’ich sinf o’quvchilarini imloga o’rgatish orqali bilim, ko’nikma va malakalarni oshirish
5. Boshlang’ich sinf o’quvchilarinining bilim, ko’nikma va malakalarini oshirishda so’z yasalishiga oid mashqlardan foydalanish.
III XULOSA
IV FOYDALANILGAN ADABIYOTLAR


KIRISH
Mavzuning dolzarbligi. O’zbekiston mustaqillikka erishganidan so’ng mamlakatning ijtimoiy – iqtisodiy va madaniy hayotida ko’plab o’zgarishlar, islohotlar amalga oshirildi. Ayniqsa, ta’lim sohasida katta islohotlar amalga oshirildi. O’rta umumta’lim maktablari to’qqiz yillik tizimga o’tkazilib, o’quvchilar to’qqizinchi sinifni tugatganlaridan so’ng kasb-huhar kollejlarida yoki akademik litseylarda o’qishni davom ettirishadigan bo’ldi. Shu bois Respublikamizda ko’plab akademik litseylar va kasb-hunar kollejlari qurilib ishga tushirildi. O’zbekiston kelajagi bo’lmish yoshlar tarbiyasiga jiddiy e’tibor qaratildi. “Umumta’lim dasturlarini maktabgacha tarbiya, boshlang’ich umumta’lim va maktabdan tashqari ta’lim tarzida tuzsak, maqsadga muvofiq bo’ladi,”-degan edi birinchi prezidentimiz I.A.Karimov o’zining “Barkamol avlod orzusi” nomli kitobida.
Davlatimiz tamonidan “Kadrlar tayyorlash milliy dasturi” qabul qilindi. “Davlat ta’lim standartlari” joriy etildi. “Ta’lim to’g’risida”gi qonun qabul qilindi. O’rta maxsus kasb-hunar kollejlari, akademik litseylar va o’rta umumta’lim maktablari kapital tamirdan chiqarilib, o’quv-laboratoriya jihozlari va zamonaviy asbob-uskunalar, kompyuterlar bilan ta’minlandi.
“Aql zakovatli yuksak ma’naviyatli yoshlarni tarbiyalay olsakkina oldimizga qo’ygan maqsadlarga erisha olamiz, yurtimizda farovonlik va taraqqiyot qaror topadi,”-deydi prezidentimiz o’sha “Barkamol avlod orzusi” nomli kitobida.