Ona tili sinf: 11

31-mashq. Gaplarni o’qing. Saboq va dars so’zlarining ma’nolaridagi farqni izohlashga harakat qiling. Shu asosda yozma matn tuzing.

1. Anvarjon ukam, - dedim unga. – Siz o’sishingiz kerak. Toshkentda ustozlardan saboq olasiz, poytaxtdagi adabiy muhit, o’z tengi yosh yozuvchilar bilan bo’ladigan muloqotlar fikr doirangizni kengaytiradi. (Said Ahmad)

2. Umidaning axloqi, o’zini tutishi, darslarni o’zlashtirishi universitet rahbariyatiga ma’qul edi. (Said Ahmad)

33-mashq. Ma’nodosh va paronim so’zlarni noto’g’ri qo’llash bilan nutq aniqligiga putur yetgan o’rinlarni aniqlang, ularni muvofiq muqobillari bilan almashtiring.

• Bilaman, uzoqning ishi qiyin. Lekin bir og’iz mujda yuborish shunchalar mushkuledimi? (Murod Mansur)
• Boshqa shaxsning kechirmalarini tushunish, o’zingizni uning o’rnida his qilish masalasiga kelganda esa fan buni inkor etmaydi. (M. Nasibullin)
• Keyin, Qo’chqor aka, bu robotlar juda arzonga tushadi, yoqilg’i kerak emas – batareyalardan oziqlanadi. (Sh. Boshbekov)
• Jumanbobo hamisha bir gapni takrorlaydi: - meni shoshirmanglar, nevara-chevaralarimni narigi ming yillikka o’tkazib qo’yay, ana undan keyin haydamasanglar ham o’zim ketaman. (Said Ahmad)

Sh.Rahmatullayevning “O’zbek tilining izohli frazeologik lug’ati”dan olingan paronim va iboralarning izohlarini esda tuting. Ular ishtirokida gaplar tuzing.

Yetti uxlab tushiga kirmaslik Mutlaqo o’ylamaslik, kutmaslik.

Yetti uxlab tushida ko’rmaslik Hech qachon ko’rmaslik

Yuragi tars yorila ketayozdi Sabr-chidami tugab, xunob bo’lib ketmoq

Yuragi qoq yorila yozdi Sevinib, juda kuchli hayajonlamoq