1. Hujayralararo matriks tarkibidagi asosiy oqsilni aniqlang. Uning aminokislota tarkibini aniqlang

Vaziyatli masalalar:

1. Hujayralararo matriks tarkibidagi asosiy oqsilni aniqlang. Uning aminokislota tarkibini aniqlang.

а) ushbu oqsilning sintezi va yetilishi qanday kechadi.
b) ushbu oqsil sintezi va yetilishida qanday kimyoviy jarayonlar ro’y beradi;
c) ko’ndalang boylamlar hosil bo’lishida qanday omillar ishtirok etadi va ularning kofaktorini aniqlang

2. Singa kasalligining klinik belgilaridan biri teri osti va shilliq qavatda qontalashlashlar kuzatilishi tomir devori mustahkamligini buzilishi bilan kechadi. Qon tomir devorining asosiy oqsili kollagenning III tipidir. Bu oqsilning sintezlanishi va yetilishi ko’p bosqichli murakkab jarayon bo’lib, uning muvafaqqiyatli kechishi uchun bir qancha moddalar zarur. Singa kasalligi kelib chiqishi qaysi vitamin yetishnasligi bilan bog’liq? Quyidagi savollarga javob bering:

а) ushbu vitaminni ayting va uning ishtirokidagi kimyoviy rekasiyalarni yozing;
b) ushbu jarayon uchun yana qanday moddalar kerak bo’ladi;
c) ushbu jarayonning kollagen tolasi shakllanishidagi va qon tomir devorining mustahkamligini ta’minlashdagi o’rnini tushuntiring. 

3. Qandli diabetning kechki asoratlaridan biri diabetik angiopatiya bo’lib, qon tomirlarning bazal membranasi buzilishi bilan kechadi. Qonda glukozaning yuqori konsentratsiyasi uning nofermentativ oqsillarning aminoguruhlari bilan bog’lanib qolishiga olib keladi. Sog’lom odamlarda bu jarayon juda sust kechadi, lekin giperglikemiyada tezlashadi. Glikozirlanish darajasi oqsillarning yangilanish tezligiga bog’liq bo’lib, sekin almashinadigan oqsillarga glukoza ko’proq birikadi. Hujayralararo matriks oqsillari sekin almashinadigan oqsillardan bo’lib, glukozaning bog’lanishidan bazal membrana tuzilishining buzilishi kuzatiladi. Bazal membrananing qaysi tuzilmalari giperglikemiya vaqtida glikozirlanadi?

Quyidagi savollarga javob bering:
а) bazal membrananing asosiy oqsillari va ularning funksiyalari, tarkibi va tuzilishini ayting;
b) bazal memebrananing geteropolisaxaridlari va tuzilishi haqida gapiring;
c) bazal membrananing tuzilish komponentlarini glikozirlanishi qanday asoratlarga olib kelishi mumkin?