Ona tili 7-sinf

Концепциянинг самарали ижросини таъминлаш мақсадида мазкур қарорнинг
5-чи иловасида республика идоралараро комиссия таркиби тасдиқланган бўлиб, унга куйидаги вазифалар белгиланган: Ҳарбий хизматчиларнинг маънавий- маърифий билимларини кенгайтириш борасида амалга оширилаётган чора-тадбирларнинг самарадорлиги ва натижадорлигини таҳлил қилиб бориш, аниқланган муаммолар юзасидан тегишли таклифлар ишлаб чиқиш, Давлат ва нодавлат ташкилотларининг маънавий-маърифий ишлар самарадорлигини оширишга қаратилган таклиф ва ташаббусларини Қуролли Кучлари тизимида татбиқ этишда амалий ёрдам бериш ҳамда самарали ҳамкорликни йўлга қўйишда кўмаклашиш.

Маҳаллий давлат ҳокимияти органларида республика идоралараро комиссияси таркиби асосида Қорақалпоғистон Республикаси Вазирлар кенгаши раисининг, вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари раҳбарлигида ҳудудий комиссиялар ташкил этилиши белгиланган.

КОНЦЕПЦИЯНИ АМАЛГА ОШИРИШ МЕХАНИЗМИ
Ўзбекистон Республикаси Олий ва ўрта махсус таълим вазирлиги, Халқ таълими вазирлигига: ҳарбий хизматчиларга давлат сиёсатининг устувор йўналишлари, бой тарихимиз, алломаларимиз мероси ва саркардаларимизнинг фидойилиги, қаҳрамонликлари, ислоҳотлар жараёни ва ҳаракатлар стретегияси ҳамда таҳдидлар тўғрисидаги маълумотларни етказиш.


Ўзбекистон Республикаси Маданият вазирлигига: буюк аждодларимиз ва алломалар фаолиятига оид театр спектакли ва саҳна кўринишлари, концерт дастурлари, экскурсиялар ҳамда миллий ғурур, фахр ва ифтихор туйғуларни мустаҳкамлашга, нотиқлик санъатини шакллантиришга қаратилган оммавий маданий тадбирларни ташкил этиб бориш.
Ўзбекистон Республикаси Адлия вазирлигига: ҳуқуқий билимларни ошириш, дунёқараш ва фикрлаш доирасини кенгайтириш, глобаллашув жараёнларига нисбатан онгли муносабатни, огоҳлик ва ҳушёрликни, фаол ҳаётий позицияни ҳамда мустаҳкам тартиб ва интизомга риоя қилиш фазилатларни юксалтиришга қаратилган тадбирларни ўтказиш.
Хотин-қизлар қўмитаси, “Оила” илмий-амалий тадқиқот марказига ҳарбий хизматчилар оилаларини ижтимоий-ҳуқуқий жиҳатдан қўллаб-қувватлаш, оилаларда соғлом маънавий муҳитни яратиш, оила шаънини сақлашда ота-она ва фарзандлар масъулияти ва бурчлари, ор-номус, қадр-қиммат, шарм-ҳаё каби ахлоқий меъёрларни етказиб бориш, эхтиёжлари ва муаммоларини тизимли ўрганиб бориш.