Қон яратилишига таъсир этувчи воситалар

ГЕМОСТАТИКЛАР
ҚОН ИВИШИНИ ОШИРУВЧИ ВОСИТАЛАР
Мазкур гуруҳ препаратлари қон кетишларини тўхтатиш учун маҳаллий ҳамда резорбтив тарзда қўлланилади.
Маҳаллий таъсир кўрсатувчи восита сифатида тромбин ҳамда гемо-статик булут ишлатилади.
Умумий таъсир кўрсатиш учун витамин К₁, витамин К₃ ҳамда витамин К₃ нинг ўрнини босувчи синтетик восита – викасол ишлатилади. Улар жигарда протромбин, проконвертин ва қон ивишида иштирок этувчи бошқа омиллар синтезланиши учун керак бўлади. Асосан гипопротромбинемияларда қўлланилади.
Гемостатик самара учун желатин, фибриноген ва б. препаратлар ҳам ишлатилади.
АНТИФИБРИНОЛИТИК ВОСИТАЛАР
Аминокапрон кислотаси (эпсилон аминокапрон кислотаси). Профибринолизиннинг фибринолизинга айланишини тормозлайди, шу билан бирга, фибринолизинга бевосита сусайтирувчи самара кўрсатади. МИЙдан яхши сўрилади ва 2-3 соатдан кейин қонда энг юқори концентрацияси аниқ-ланади. Бир сутка давомида 60%и чиқарилади. В/и киритилганда эса чиқари-лиши тезроқ амалга оширилади (12 соат ичида 80% дан ортиқроғи чиқари-лади). Бу йўл билан киритилганда t_1/2 ≈ 77 дақиқани ташкил этади. Буйраклар орқали деярлик ўзгармаган ҳолда чиқарилади. Заҳарлилиги паст. В/и ҳамда ичиш учун тавсия этилади. Аминокапрон кислотаси қўлланилганда қоннинг фибринолитик фаоллигини ва фибринолизин миқдорини назорат қилиб туриш лозим. Ножўя таъсирлари: бош айланиши, кўнгил айниши, диарея.
Транексамат кислотаси (циклокапрон) ҳам антифибринолитик фаолликка эга. У профибринолизиннинг фаоллашувини сусайтиради. Аминокапрон кислотасидан самаралироқ ва таъсири давомлироқ. Ичилади ва в/и киритилади. Ичилганда биоэришувчанлиги 30-50%ни ташкил этади. Камроқ миқдорда (3%) қон зардобидаги оқсиллар билан бирикади. В/и киритилганда t_1/2 ≈ 2 соатга тенг. Буйраклар орқали чиқарилади.
Амбен (памба) – таъсир механизми ва хоссалари бўйича аминокапрон кислотасига ўхшаш.
Контрикал – фибринолизни сусайтирувчи воситалар гуруҳига киради. У ҳам бошқа протеолитик ферментлар каби (трипсин, химотрипсин, калликреин ва б.) фибринолизинни бевосита блоклайди.