On davlat pedagogika instituti bektoshev otabek qodiraliyevich ingliz tili nazariy grammatikasi

So‘z boshi
Mazkur o‘quv qo‘llanma filologik oliy ta’lim muassasalari yuqori kurs bakalavriatura va magistratura bosqichida ingliz tili nazariy grammatikasi darslarini yangi, zamonaviy ta’lim texnologiyalari asosida tashkil etish va o‘qitish uchun mo‘ljallangan bo‘lib, bundan tashqari u nofilologik yo‘nalishida ta’lim olayotgan bakalavriatura yuqori kurs bosqich talabalari tomonidan qo‘llanilishi ham mumkin.
Bu qo‘llanma ingliz tili nazariy grammatikasi fanidan talaba va mustaqil o‘rganuvchilarga o‘quv jarayonida olgan nazariy bilim, malaka va ko‘nikmalarini mustaqil tarzda uyda amaliy grammatikaga solishtirgan holda sinab ko‘rish imkonini beradigan informatsion manba bo‘lib xizmat qilishi ham mumkin.
Ingliz tili nazariy grammatikasi fani xorijiy til o‘qitish uslubiyati nuqtai nazaridan olib qaraganda talaba yoki o‘quvchiga so‘z yoki gapni nazariy jihatdan tahlil qilish ko‘nikmalarini hosil qilishda asosiy informatsion manba sifatida faol qo‘llaniladi.Katta e’tibor talabalarning kelajakdagi kasbiy faoliyati ehtiyojlariga qaratilgan bo‘lib bunda bo‘lg‘usi filologlar uchun zaruriy bilim va ko‘nikmalari O‘zbekiston Respublikasi Davlat Ta’lim Standartlari tomonidan belgilangan darajada bo‘lishi nazarda tutildi va bu o‘z navbatida o‘quv qo‘llanmaning nazariy jihatdan chuqur va keng qamrovli bo‘lishini ta’minladi.O‘quv qo‘llanmada ifoda qilingan konsepsiya murabbiylar tomonidan ko‘p yillar davomida ma’ruzalarda bayon qilingan bo‘lib, u mazkur fanni o‘rganishni eng sinalgan va oson yo‘llar bilan ishonchli tarzda o‘rganish imkonini beradi. Tahlil uchun berilgan topshiriqlar zamonaviy ta’lim texnologiyalarini qo‘llab o‘qitishni tashkil etishga imkon beradi. Bu esa ingliz tili nazariy grammatikasi darslarida o‘qituvchi va talaba o‘rtasidagi muloqotning qiziqarli, jonli va informatsiya jihatidan boy bo‘lishini ta’min etadi.
Muallif bu o‘quv qo‘llanmani yaratishda yaqindan yordam bergan, uning qo‘lyozmasini o‘qib chiqqan va o‘zining qimmatli maslahatlari qo‘llanma saviyasining yuqori bo‘lishida ulkan hissa qo‘shgan olimlar – f.f.n., dots. G‘. Satimov, f.f.n., dots.A.Kuldashevlarga chuqur minnatdorchilik izhor etadi.