Oliy va o‘rta maxsus ta’limvazirligi buxoro davlat universiteti boshlang‘ich ta’lim metodikasi kafedrasi boshlang‘ich sinflarda matematika o‘qitish metodikasi fanidan kurs ishi yozish bo‘yicha metodik tavsiya

KIRISH

Ta’lim - tarbiya jarayonini har tomonlama zamonaviy talablar asosida tashkil etish va rivojlantirishdagi omillardan biri bu jarayonini boshqarishni yuqori asosda tashkil etish va boshqarishdan iboratdir. Mazkur uslubiy ko‘rsatma “Ta’lim to‘g‘risida”gi qonun, “Kadrlar tayyorlash milliy dasturi” hamda Davlat ta’lim standartlari bo‘yicha bakalavr darajasidagi malakali boshlang‘ich ta’lim o‘qituvchisini tayyorlash talablaridan kelib chiqib tuzilgan. O‘quv jarayonining uzluksiz mexanizmlaridan biri – bu talabalarda mustaqil ishlash va nazariy bilimlarni puxta egallashga qaratilgan kurs ishini bajarish hisoblanadi.

Ushbu metodik ko‘rsatma “Matematika o‘qitish metodikasi” fani bo‘yicha yangi namunaviy o‘quv dasturi va o‘quv rejasi asosida tuzilgan bo‘lib, unda bakalavr yo‘nalishida ta’lim olayotgan talabalarning kurs ishini bajarishi davomida amal qilishi lozim bo‘lgan umumiy tartib-qoidalar, me’yorlar, tegishli ko‘rsatma va maslahatlar berilgan. Uslubiy ko‘rsatmani ishlab chiqishda muallif talabalarning nazariy bilimlarini amaliy jihatdan mustahkamlash, mustaqil fikrlash qobiliyatini shakllantirish va rivojlantirishni asosiy maqsad qilib qo‘ygan.

“Matematika o‘qitish metodikasi” fanidan kurs ishlarini bajarish bo‘yicha ko‘rsatmada kurs ishining hajmi, bo‘limlari, mavzuning nazariy ahamiyatini yoritishdagi asoslari ko‘rsatilgan bo‘lib, “Matematika” darslarida bilim va ko‘nikmalarni oshirish va nazriy asoslarini yoritishdagi pedagogik talablarni o‘z ichiga oladi.