Fan bo‘yicha kurs ishi

Fan bo‘yicha kurs ishi. Kurs ishi fan mavzulariga taalluqli masalalar yuzasidan talabalarga yakka tartibda tegishli (variantlangan) topshiriq shaklida3-semestrda beriladi. Kurs ishining hajmi 30 betdan kam bo’lmasligi, A4 formatdagi varaqlarda yozilisi va tikilib rasmiylashtirishi lozim. Kurs ishini bajarish tartibi kafedra uslubiy qo’llanmasida keltirilgan.

KURS ISHINING MAQSADI VA VAZIFALARI.

Kurs ishi ushbu fanni o’rganishning eng asosiy bosqichi hisoblanib, talabalardan uzoq muddat mehnat qilishni va jiddiy bilimni talab qiladi.

Kurs ishining maqsadi – tanlangan mavzu savollarini chuqur o’rganish, bozor iqtisodiyoti sharoitida bo’layotgan iqtisodiy jarayonlarni tahlil qilish, adabiyot va statistik materiallar ustida ishlash bo’icha ko’nikmalar hosil qilish hamda iqtisodiy tahlilni amaliy hulosa va takliflar darajasiga yetkazishdan iborat.

Kurs ishining asosiy vazifalari quyidagilardan iborat:

• 
  o’rganilayotgan ob’ektni ijtimoiy-iqtisodiy rivojlanishini tahlil qilish usullari orqali mustahkamlash, nazariy bilimlarni kengaytirish;
  
• 
  ushbu muammolar bo’yicha davlat tomonidan qabul qilingan tadbirlar tizimini o’rganish;
  
• 
  kerakli adabiyotlarni tanlash, ko’nikmalarni egallash va statistik materiallar bilan ishlash;
  
• 
  Ilmiy ishlar bilan shug’ullanish ko’nikmalarini egallash, o’z fikrini to’g’ri va ketma-ketlikda bayon qilishni o’rganish va shu kabilar.
  

Kurs ishda o’rganilayotgan ob’ekt bo’yicha bozor munosabatlari sharoitida ijtimoiy-iqtisodiy, tashkiliy va huquqiy shart-sharoitlar har tomonlama yoritilgan bo’lishi kerak. Shu munosabat bilan qabul qilingan Qonunlar, Prezident Qarorlari va Farmonlari, Vazirlar Mahkamasining Qarorlarini o’rganish zarur.

Ushbu xujjatlarni bilish kurs ishining har bir savolini yoritishda o’z ifodasini topishi kerak.

Kurs ishini bajarishda statistik usullar va iqtisodiy tahlil qilishni bilish zarur hisoblanadi. Shuningdek, talaba statistik ma’lumotlar materiallar va matematik usullar bilan ishlashni bilishni taqozo etadi.