|
mavzu. Dalolatnoma. Ma’lumotnoma
O‘qish uchun material
Dalolatnoma. Hujjatning bu turi ilgari akt deb yuritilgan bo‘lib, ish jarayonida xodim yoki tashkilot va uning bo‘linmalari faoliyatida biron bir voqea-hodisaning yuz berganligini tasdiqlash maqsadida tuziladi hamda bir necha kishi, asosan shu ishga aloqador bo‘lgan mas’ul xodimlar tomonidan imzolanadi. Agar u tekshirish natijalariga ko‘ra tuzilsa, bir kishi – taftishchi yoki nazoratchi tomonidan imzolanishi ham mumkin. Dalolatnoma ijtimoiy hayotning barcha sohalarida, ayniqsa moliya va hisob-kitob ishlarini yo‘lga qo‘yishda, umuman pul va materiallar hisob-kitobi bilan bog‘liq holatlarda keng qo‘llaniladi.
«Dalolatnomalar tegishli taftish o‘tkazilgandan keyin, rahbarlik almashtirilayotganda, moddiy boyliklarni bir xususiy yoki yuridik shaxsdan ikkinchisiga o‘tkazishda, qurib tugallangan inshootlarni qabul qilishdan oldin va keyin, mashina va uskunalarning yangi nusxalarini sinovdan o‘tkazish chog‘ida, qimmatbaho buyumlarni hisobdan o‘tkazish yoki hisobdan chiqarishda, tovarlarni miqdor va sifat bo‘yicha qabul qilib olishda, baxtsiz hodisalar yoki tabiiy ofatlar oqibatlarini tekshirishda, sud-tergov ishlari va tibbiyot sohasida, xodimlarning moddiy, yashash jarayonlarini o‘rganishda va boshqa hollarda tuziladi» (Aminov M. Ish yuritish. – T.:O‘zME, 2000, 186-bet).
Dalolatnoma – muassasa yoki ayrim shaxslar faoliyati bilan bog‘liq biron-bir bo‘lib o‘tgan (sodir bo‘lgan) voqea, hodisa, ish-harakatni yoki mavjud holatni tasdiqlash, unga guvohlik berish maqsadida bir necha kishi tomonidan tuzilgan hujjat. Dalolatnoma tuzishdan asosiy maqsad – sodir bo‘lgan voqea-hodisalarni yoki mavjud holatni qonuniy-huquqiy jihatdan isbotlash yoki tasdiqlashdir.
Dalolatnomaning zaruriy qismlari:
Tashkilot, muassasa va tarkibiy bo‘linmaning nomi.
Tuzilgan sanasi va joyi.
Tartib raqami va tasdiq belgisi (zarur hollarda).
Matn sarlavhasi.
Hujjat turi nomi (Dalolatnoma).
Hujjatni tuzish uchun asos (tashkilot rahbarining buyrug‘i, idoraning qarori yoki ko‘rsatmasi kabilar).
Komissiya tarkibi (raisi va a’zolar).
Ishtirok etuvchilar (guvohlar).
Dalolatnoma matni.
Ilovalar (har bir ilovaning necha betligi ko‘rsatiladi).
Dalolatnomani tuzgan va ishtirok etgan shaxslarning imzolari.
Ijro haqidagi belgi.
Dalolatnomalar voqea-hodisalarni haqqoniy aks ettirish maqsadida bir necha shaxslar (tashkilot rahbarining buyrug‘i bilan komissiyalar, doimiy komissiyalar) yoki maxsus vakolatli yakka shaxs (taftishchi, nazoratchi) tomonidan tuziladi. Keyingi holatda va, umuman, dalolatnoma yakka shaxs tomonidan tuzilganda, guvohlarning ishtirok etishi va imzosi bo‘lishi shart.
Ma’lumotnomada bo‘lgan voqea yoki mavjud holatlar bildirish- axborot berish mazmunida ifodalanadi. Ma’lumotnomalar, odatda, yuqori idora mansabdor, xususiy va yuridik shaxslar hamda oddiy kishilarning ko‘rsatmasi, talabi yoki iltmosiga ko‘ra tuziladi hamda biron-bir masalada iltimosni qondiradigan axborot va ma’lumotlarni o‘zida aks ettiradi.
Ma’lumotnoma o‘z xususiyati va mazmuniga ko‘ra ikki turga: xizmat ma’lumotnomasi va shaxsiy ma’lumotnomaga bo‘linadi.
Mavzuni mustahkamlash uchun savollar tuzing.
Topshiriq. Dalolatnomaning zaruriy qismlarini klaster shaklida tasniflang.
Topshiriq. Quyidagi so‘z va so‘z birikmalari ishtirokida gaplar tuzing, fe’llarni hozirgi-kelasi zamon shaklida qo‘llang.
Talaba hisoblanmoq, iqtisodchi, lavozimida ishlamoq,yashamoq, ijarada yashagan, tikuvchi, ushlanib qolmoq,taqdim etish uchun, muhandis, universitet ma’muriyatiga, asos, topshirish uchun, qabul qilinmoq, tibbiy ma’lumotnoma, dorishunos, ko‘rsatish uchun, oylik maoshi, ijtimoiy ta’minot bo‘limiga.
Hujjat namunalari bilan ishlash
Ма’lumotnoma
Ushbu mа’lumotnoma Olimov Odil Oqilovichga uning haqiqatan ham Caid Ahmad ko‘chasi 3-uyda yashashi va oilasida 4 farzandi borligi haqidagi ma’lumotni tasdiqlab berildi.
“Muammo” texnologiyasi
Мuammoning turi
|
Мuammoning кеlib chiqish
sabablari
|
Мuammoni yechishda sizning
harakatlaringiz
|
Muammoni yechishdagi
to‘siqlar
|
|
|
|
|
|
|
|
|
|
|
|
|
|
|
|
|
Tarjima mashqi
Акт, копия, провести инвентаризацию, согласно приказу, материальное имущество, составлен, указать, взыскать с заработной платы.
Составить служебную справку, выдать личную справку, список документов прилагается, справка выдана по месту требования, согласно утверждённому плану, в соответствии с распоряжением руководства, дата выдачи, подпись должностного лица.
Uyga vazifa. Talabalar davomati xususida ma’lumotnoma tuzish.
Do'stlaringiz bilan baham: |
