Oliy va o’rta maxsus ta’lim vazirligi namangan davlat universiteti

Imij (inglizcha image – timsol, shakl) – ommaviylashtirish, reklama qilish maqsadida ma’lum bir kishilarga emotsional psixologik ta’sir ko‘rsatish asosida ularda aniq bir shaxs, hodisa, predmetning maqsadli yo‘naltirilgan timsolini shakllantirishdir. Imijning bir necha xususiyatlarining mohiyatiga e’tiborni qaratish mumkin: birinchidan, imij – timsol, ya’ni kategoriya sifatida asosan siyosiy-psixologiyaga tegishli hodisadir; ikkinchidan, timsol maqsadli yo‘naltirilgan ta’sir ko‘rsatish natijasida shakllanar ekan. kishilar va jamiyatga ta’sir ko‘rsatish jarayonining o‘zini hech bir mubolag‘asiz davlat va boshqa siyosiy tuzilmalarning ishtirokini talab etuvchi siyosiy jarayon sifatida ko‘rsatish mumkin.
Inson – kishi, uning ongi, odob-ahloqi, ma’naviyati, dunyoqarashi, talab-ehtiyojlarining qondirilishi ijtimoiy-iqtisodiy, siyosiy munosabatlarga, ijtimoiy tuzum mohiyati va tabiatiga bevosita bog‘liqdir. Jamiyat qanday bolsa, ijtimoiy munosabatlar majmuyi bo‘lgan inson ham unga mos bo‘ladi. Inson dunyoda eng murakkab mavjudot, tabiatning yuksak mahsuloti. hayot gulidir. Insonning bebaholigi – uning aql-idrok va tafakkuriga egaligidadir. U aql-idrok sohibi bo‘lgani uchun real dunyodagi voqealarni biladi, ilmu tafakkuri, mehnati, salohiyati bilan dunyoni boshqaradi.
Komil inson – inson zoti orzu qilgan jamiki ezgu xislatlar namoyandasi, u go‘yo mutlaq iloh bilan insoniyat o‘rtasida vosita bo‘luvchi muqaddas xilqat, ya’ni ijtimoiy-ahloqiy ideal. Tasavvuf axli sig‘ingan g‘oya – komil inson, ya’ni xalq g‘oyasi adabiyot g‘oyasi edi. Tasavvuf shayxlari zulm va qorong‘ilik lashkariga qarshi ma’rifatni qurol qilib olishdi. Komil inson tushunchasi o‘rta asrlarda shakllangan bo‘lib, islom Sharqida asosan islomiy nuqtayi nazardan ta’riflab kelingan.
Komil inson fazilatlari – insonparvarlik, do‘stlik, g‘amxo‘rlik, jonkuyarlik, samimiylik, insoniylik, bolajonlik, iymonlilik, fidokorlik, xushmuomalalilik, boadablik, iltifotlilik, kechirimlilik, mehmondo‘stlik, halollik, to‘g‘rilik, diyonatlilik, haromdan hazar qilish, mehnatsevarlik, vatanparvarlik va hokazolar. Bizningcha, ayni shu xislat va fazilatlarning singdira borilishi yosh avlodni barkamol, sog‘lom va komil inson ruhida tarbiyalashda muhim ahamiyat kasb etadi.