Oliy va o’rta maxsus ta’lim vazirligi namangan davlat universiteti

Pedagogning professionalizmi va psixologik-akmeologik kompetentliligi
Adabiyot:

Pedagogik akmeologiyada modellashtirish. holatlarini aks ettiruvchi jadvalni to‘ldirish Adabiyot:

Akmeologik treninglar. boyicha topshiriqlarni bajarish Adabiyot:

GLOSSARIY

“PEDAGOGIK AKMEOLOGIYA” FANIDAN GLOSSARIY

Akmeogramma – bu insonning individual-ruhiy va psixofiziologik o‘ziga xos xususiyati va kasbiy faoliyatini kompleks tarzda tavsiflash bo‘lib, buyuk zotlarning o‘sib-ulg‘ayishi va mukammallashuvi, o‘z kasbi tomon intilishi jarayoni, qanday qilib olamshumul yangiliklar yaratganliklari va liderlik qobiliyatlarini o‘rganadi. Aytish lozimki, ana shunday akmeologik tahlil natijasida insonni yoshligidanoq kasbga yo‘naltirish kelajakda samarali natijalarga olib kelishi mumkin. Natijada, jamiyatimizning ilg‘or akmeshaxslari o‘tmishdagi ajdodlarimiz bosib o‘tgan yo‘l, ular erishgan cho‘qqilar – kamolot va mukamallik cho‘qqisiga erishish mexanizmlarini yaxshiroq va mukammal anglaydilar. Bu esa, o‘z navbatida, bugungi kun nuqtayi nazaridan istiqbolimiz yo‘nalishini ham belgilashda muhim ahamiyat kasb etadi. Akmeogrammik xarita asosida shaxsning mahsuldorlik qobiliyatini ochib beruvchi kasbiy faoliyat kategoriyasi ko‘rsatiladi. Zero, samarador faoliyat akmeologiyaning tushuncha apparatini tashkil qiladi.
Akmeologiya (yunoncha akte – cho‘qqi, kamolot, yuksalish, еtuklik, logos – fan) – ilmiy manbalarda professionalizm va ijod rivojlanishidagi qonuniyatlar va texnologiyani o‘rganuvchi integrativ kompleks fandir. U kasb-kor faoliyatida yuksaklikka erishish uchun yangi yo‘nalish va professionalizmning yuksak darajadagi muvaffaqiyatlar sari yo‘naltirilgan samarador tizimlar darajalarini belgilash usullarini ishlab chiqadi va bu jarayonni tabiiy qonuniyatlarga tatbiq etadi deyilgan. Bizningcha, tabiiy, umumjamoa va insoniy qoidalar asosida kasbiy mahoratning yuksak muvaffaqiyatga erishishi haqidagi fandir va insonning еtuklik bosqichida rivojlanish qonunlari va mexanizmini hamda asosan bundanda yuksakroq darajalarni egallash fenomenologiyasini o‘rganadi. Ushbu atama biror kasbga, biror bir sohaga mehr qo‘yib, bilim va tajribaga tayanib, maqsad sari intilib yashashni bildiradi. Akmeologiyadagi asosiy iboralardan biri «akmeologik moyillik» iborasi bo‘lib, ushbu tushuncha shaxsning intiluvchanlik xususiyatini anglatadi.