Oliy va o‘rta maxsus ta’lim vazirligi boshlang‘ICh professional ta’limning

O‘quv dasturi umumiy talablari

Dastur nomi	Umumiy ovqatlanish korxonalarida tashkillashtirish , xizmat ko‘rsatish va hisob-kitob kalkulyatsiya.
Ajratilgan soat	60
Mavzular soni	20
Dasturning maqsadi	“Umumiy ovqatlanish korxonalarida tashkillashtirish , xizmat ko‘rsatish va hisob-kitob kalkulyatsiya” fani dasturining maqsadi umumiy ovqatlanish korxonalarida ishlab chiqarishni to‘g‘ri tashkillashtirish va xizmat ko‘rsatish madaniyatini oliy darajada olib borish. Dasturda xizmat qismi texnikasi bilan birga ishlab chiqarish sexlarining tavsifi beriladi. Bu fan bo‘lajak mutaxassislar uchun eng zarur hisoblangan bilim va ko‘nikmalarni o‘z ichiga oladi. “Umumiy ovqatlanish korxonalarida tashkillashtirish , xizmat ko‘rsatish va hisob-kitob kalkulyatsiya” fani oshpaz-qandolatchi kasbi bo‘yicha ta’lim oluvchi talabalarga mo‘ljallangan. Bu fannning asosiy maqsadi bozor iqtisodiyotida oziq- ovqat mahsulotlarning xom-ashyo hisobi bo‘yicha hisob-kitob va kalkulyatsiyasini takomillashtirish. Xo‘jalik yuritishning bozor sharoitlariga o‘tish davrida respublikamiz iqtisodiyotining ahamiyati beqiyos ravishda oshadi. Bozor iqtisodiyoti sharoitida hisob-kitobni to‘g‘ri tashkil etish ishlab chiqarish samaradorligini oshirish uchun muhim ahamiyat kasb etadi. Hozirgi vaqtda mamlakatda mavjud bo‘lgan hisob-kitob va hisobot tizimini bozor iqtisodiyoti talablariga muvofiqlashtirish iqtisodiyotning eng dolzarb muammolaridan biri hisoblanadi. Buning uchun buxgalteriya hisobi milliy standartlari ishlab chiqilmoqda va joriy qilinmoqda, ular esa o‘z asosida xalqaro standartlarga tayanadi va respublikamizda hisob tizimining xususiyatlarini e’tiborga oladi.Ushbu o‘quv dasturning maqsadi umumiy ovqatlanish korxonalarida hisob va hisobot tuzishning mohiyati va vazifalarini yoritib berish orqali kasbiy fazilatlar shakllantirishdan iborat.