Oliy va oʻrta maxsus ta’lim

2.1-sxema. Maqsadlar maqsadi (pogʻonalari).

Shundagina yakka maqsadlar korxona maqsadining samarali boʻlishiga xizmat qiladi.

• 
  xodim oʻz oldiga qoʻyadigan maqsadlarning soni 4 tadan 8 tagacha boʻlishi, undan oshmasligi kerak. Agar ularning soni bundan oshsa, u xolda xodim kutgan natijasini ololmaydi, oqibatda korxonaning umumiy maqsadiga putur etkazadi.
  
• 
  yakka maqsadning xam pirovard natijasi va aniq muddati belgilangan boʻlishi kerak. Aks xolda u mavxumlikka yuz tutadi.
  
• 
  rejalashtiriladigan maqsad qiyinchilik bilan erishiladigan, shu bilan birga, amalga oshirish mumkin boʻlgan darajada boʻlishi kerak.
  

Umuman xar bir kishi oʻz maqsadiga erishishning eng ogʻir va murakkab yoʻlini tanlashi kerak. Xar doim xam oʻz maqsadining juda osonlik bilan xal boʻlishiga umid bogʻlamasligi darkor.
Shundagina u xar qanday kutilmagan muvaffaqiyatsizlikka tayyor boʻladi, darrovgina tushkunlikka tushmaydi.
Ammo masalaning boshqa tomoni xam bor. Agar maqsad murakkab boʻlib, uning ustiga-ustak bajarilishi gumon boʻlsa, bunday xol xam boshqarishni ijobiy natijalarga erishishdan maxrum etadi.

• 
  Xar qanday maqsadning samaradorligi erishilgan natijaga toʻgʻri baxo berilishiga va uni ragʻbatlantirish darajasiga bogʻliq. Agar erishilgan natijaga adolat yuzasidan baxo berish va uni tegishli ravishda ragʻbatlantirish odat tusiga kirgan boʻlsa, u xolda bu korxonada oʻrnatilgan boshqarish usuli ravnaq topib boraveradi.
  

Maqsad, xususan, umumiy (bosh) maqsad juda keng qamrovli va oʻta murakkab kategoriyadir. Unga quyidagi sifatlar xos:

• 
  tob’e boʻlishlik;
  
• 
  yoyib boʻlishlik;
  
• 
  oʻzaro munosabat (bogʻlanish)da boʻlishlik;
  

Maqsadning tob’eligi deganda maqsadni qoʻyish va uni amalga oshirishning mavjud shart-sharoitlarga bogʻliqligi, ¸xud strategik maqsadning qator taktik maqsadlarga, istiqboldagi maqsadning esa oʻrta va qisqa muddatli maqsadlarga bogʻliqligi, bir maqsadning boshqa maqsadga boʻysinishi tushuniladi.