Олинмайдиган тиш протезлари хабилов Н. Л., А. Н. Акбаров, О. У. Арсланов, Ф. К. Усмонов, Н. С. Зиядуллаева

Электромиография - мускуллар биопотенциалини график рўйхатга олишга имкон берувчи, мускул тизимларини функционал текшириш усули. Электромиография чакка-пастки жағ бўғимлари ва мускул тизимлари каслликлари ҳақидаги тахминларда ўтказиш лозим.





Электромиомастикоциография. Чайнов мускуллари электрик осцилляция кўрсаткичларини аниқлаштириш мақсадида чайнов даврининг алоҳида фазаларига мувофиқ электромиография усули мастикоциография билан уйғунликда қўлланилади. Бу усулни даволаш тадбирларнинг самарадорлигини текшириш учун қўллаш мумкин.
Мастикоциодинамометрия - чайнов кучини аниқлаш усули (И. С. Рубинов, 1957) пастки жағ чайнов ҳаракатларини бир вақтда график рўйхатдан ўтказиш билан маьлум бир қаттиқликдаги табиий озиқ моддаларини қўллашга асосланган. Маьлум қаттиқликдаги озиқ моддаларни чайнаш характери ёзуви бўйича чайнаш интенсивлигига баҳо бериш мумкин.
Миотонометрия - чайнов ва мимика мускуллари тонусини аниқлаш усули бунда зўриққан мускулларнинг энг фаол (мотор) нуқтаси пальпацияда аниқланади. Ўлчаш миотонометр асбоби билан ўтказилади. Шгуп белгиланган нуқтага тиралади ва унга чегараланган майдон билан тери контактигача 6 мм ботирилади. Бунда тинчлик тонуси ва чайнов мускулларининг кучланиш тонуси ўлчанади.
Миография. Миография усули билан изотоник ва изометрик қисқариш вақтида улар қалинлигининг ўзгариши билан мускуллар фаолияти рўйхатга олинади. Чайнаш жараёнида мускуллар қалинлиги улар тонусининг кўтарилиши ва пасайиши билан боғлиқ ҳолда ўзгаради. Миография усули чайнов мускулларининг рефлектор қисқаришини (қалинлашмоқ ва ингичлалшмоқ) хисобга олиш учун қўллнилади.
ЧАККА-ПАСТКИ ЖАҒ БЎҒИМЛАРИНИ ТЕКШИРИШ
Чакка-пастки жағ бўғимлари касалликлари диагностикаси анамнез, оғиз бўшлиғи ва бўғимларининг ўзини клиник текшириш, функционал синамалар ретнгенологик текшириш натижалари маьлумотларига асосланади.
Бемор билан сухбат чоғида унинг шикоятларини аниқлаш зарур. Беморлар кўпинча бўғимларнинг қирсиллаши, оғриқ, оғизни очишнинг чегараланиши, ғичирлаш, бош оғриғи, эшитишнинг пасайишига шикоят қиладилар.
Беморни сўровдан ўтказиш тугагандан кейин, бармоқларини терига, қулоқ супраси соябони олдига қўйиш ёки ташқи эшитиш йўлига бармоқларни киритиш йўли билан бўғимлар палпатцияси ўтказилади.



Бўғим палпациясида оғриқ пайдо бўлиши, кўпинча силкинишлар, қирсиллаш ва ғичирлаш сезилиши мумкин. Шунинг учун бу ерда палпатция аускультация ролини бажаради, гарчи шовқинлар, қирсиллаш, ғичирлашни фонендоскоп билан эшитиш мумкин бўлса хам. Бундан ташқари шовқинларни анолог шаклида компютерга киритиш (тегишли дастур мавжудлигида) уларнинг спектраль тахлилини олиш имконини беради. Диагностиканинг бундай усули артрофонометрия деб аталади (А. Я. Вязьмин, Е. А. Булычева).