Баттерфляй (дельфин) Қўлларни турли хил ҳолатлари билан (иккаласи ҳам олдинда; биттаси олдинда; иккинчиси ёнбошда; иккаласи ҳам ёнбошда) оёқлар ҳаракатлари ёрдамида кўкракда сузиш.
Оёқлар ҳаракати техникасини ва гавда ҳолатининг суйрилигини такомиллаштириш учун фойдаланилади.
Худди олдингидагидек машқ, аммо орқа билан сузиш. Оёлар ҳаракати техниксини такомиллаштириш ва елкалар билан ортиқча қимирлатишни бартараф этиш учун фойдаланилади.
Бутун гавданинг фаол ҳаракатлари билан оёқларнинг серғайрат, кескин тўлқинсимон ҳаракатларини амалга ошириш, шунингдек гавда ҳолатининг суйрилиги учун фойдаланилади.
Оёқлар ҳаракати ёрдамида сузиш: қўллар олдинда, бош сувдан кўтарилган (ияк сув юзаси даражасида).
Оёқлар ва гавданинг серғайрат тўлқинсимон ҳаракатларини амалга ошириш, ҳадеб шўнғийверишни ва елка билан ортиқча юқорига пастга тебранишни бартараф этиш учун фойдаланилади.
Тахта билан оёқлар ҳаракати ёрдамида сузиш. Ҳаракатларни ғайратли (фаол) ўзлуксиз бажарилишини кўзатиб бориш.
Олдинги машқдаги мақсадлар учун фойдаланилади.
Ўзунликка шўнғиш (10-12 м) оёқлар ҳаракати билан: қўллар олдинга чўзилган. Оёқларни фаол, ўзлуксиз ҳаракатларини ва гавда ҳолатининг суйрилигини кўзатиб бориш. Дельфин усулида сузишда старт ва бурилишларни бажариш учун қўлланилади.
Сонлар орасига қистирилган тахта билан қўллар ҳаракатлари ёрдамида сузиш; нафас олиш ҳар циклда. Энг мақбул траектория бўйича қўлларнинг баланд ҳолати ва тирсак бўғинларида қўлларнинг зарурий қатъийлигини кўзатиб бориш. Ҳаракат пайтида сонларни баланд ҳолатда ушлаб туриш.
Қўллар билан эшкак қулоч отишни такомиллаштириш учун фойдаланилади.
Худди олдингидагидек машқ, аммо тахта билан эшкака эмас. Оёқлар бўшашган ва сув юзасида ўзатилган.
Ўзун ва кучли эшкак қулочини ўрганиш, қўллар ҳаркатларини нафас олиш билан ўзаро мослаштириш,шунингдек тезлик-куч сифатларини тарбиялаш учун фойдаланилади.
Оёқлар ва битта қўл ҳаракатлари ёрдамида сузиш (бошқа қўл олдинга чўзилган), икки зарбали қўшилган дельфин усулини мувофиқлаштириш. Нафас ютиш учун бош эшкак эшаётган қўл томон бурилади. Қўллар ҳаракатларини нафас олиш билан мослаштиришни, қўшилган (бирлашган) икки зарбали мувофиқлаштиришни такомиллаштириш учун фойдаланилади. Худди шундай орқа билан.
Дельфин усулида оёқлар ҳаракатлари ёрдамида ва қўллар ҳолатини бир вақтнинг ўзида алмаштириш билан сузиш: битта қўл олдинда, иккинчиси гавда бўйлаб. Қўшилган икки зарбали дельфин усулини мувофиқлашишини ўзаро мослаштириш; эшкак қулоч отаётган қўл томондан нафас ютилади. Қўллар ва оёқлар ҳаракатларини ўзаро мослаштириш учун фойдаланилади. Худди шундай орқа билан.
Дельфин усулида оёқлар ва крол усулида бир қўл ҳаракатлари ёрдамида сузиш (бошқа қўл ёнбошда).
Фаол эшкак қулоч отишни оёқ кафти билан пастга зарба беришни мослаштиришни, шунингдек сал кечроқ иккинчи зарба беришни амалга ошириш.
Дельфин усулида оёқлар ҳаракатлари (қўллар ёнбошда) ва қўшилган икки зарбали дельфин усулини мувофиқлаштириб крол усулида қўлларни навбатма – навбат эшкак отиш билан сузиш.
Қўшилган икки зарбали мувофиқлаштиришни, қшл билан фаол эшкак отишни бошлашни, эшкак қулоч отиш ҳаракатлари пайтида гавданинг мувозанати ва суйрилигини такомиллаштириш учун фойдаланилади.
Бошни сув юзасидан озроқ кўтариб дельфин усулида сузиш. Шўнғийверишни бартараф этиш, эшкак отишни фаол бошлашни ва тезлик – куч таёргарлигини ишлаб чиқиш учун фойдаланилади.
Нафас олишни турли вариантлари билан сузиш: қўллар ҳаракатларининг 1-2 циклидан (давридан) кейин нафас ютиш. Елкаларни сувдан ўта чиқиб туришидан қочиш учун нафас ютгандан сўнг иякни кўкракка тираш маслахат берилади.
Тезликни йўлнинг бир қисмида камайтирмай қўллар билан камроқ эшкак отиб икки зарбали қўшилган дельфин усулида сузиш.
Қўллар билан эшкак отиш самарадорлигини ўзайтириш, эшкак қулоч отишнинг тиришишини, суръатини ва амплитудасини ўзгартириш кўникмасини такомиллаштириш учун фойдаланилади. Худди шундай орқа билан.
