Олий ва ўрта таълим

Мавзу юзасидан қисқача хулоса:

Шахснинг ижтимоийлашуви жараёнида болалик даври муҳим ўрин эгаллайди. Чунки бу даврдаги боланинг ҳаёти тўлиқ катталар билан ҳамкорликдаги эмоционал муносабат билан боғлиқликда ўтади. Илк болалик даврида эса болалар ўз ҳатти-ҳаракатлари билкан жуда фаол ва катталар билан мулоқотга киришишга интилувчанликлари кузатилади. Уларни предметларни ўрганиш орқали нутқи ривожланиб боради. Ушбу давр нутқнинг ривожланиши учун сензитив давр ҳисобланади. Идроқ, тасаввур, хотира сингари психик жараёнлар ҳам бевосита иштирок этади. Шунингдек, тафаккурнинг ривожланиш куртаклари намоён бўлиши ҳам ижтимоийлашув жараёнининг асосий кўрсаткичларидан биридир. Катталар билан бўлган муомалада ўз “Мен” ини англай бошлайди, яъни 3 ёшдаги кризис: барча ҳаракатларини мустақил хал қилишга интилади. Ва айнан кризис даврида юзага келадиган хусусиятлар ирода, лаёқат ва бошқа хусусиятлари уни шахс бўлиб шаклланишини тайёрлайди.

Мавзу юзасидан таянч иборалар:

Индивид, шахс, муҳит, ривожланиш, фаолият, ирсият, ижтимоийлашув, шахс йўналганлиги, мақсад, идеал, қизиқиш, эътиқод, дунёқараш, кризис, ақлий ривожланиш, установка.

Амалий машғулотларда такрорлаш ва муҳокама қилиш учун

саволлар:

1. 
   Гўдаклик даври, унинг туғма хусусиятлари ва ривожланишининг ўзига хос хусусиятлари.
   
2. 
   Илк болалик давридаги мулоқотнинг психик жиҳатлари.
   
3. 
   Илк болалик давридаги асосий фаолият тури.
   
4. 
   ёшдаги кризис: унинг сабаблари ва намоён бўлиши.
   
5. 
   Илк болалик даврида шахс шаклланишининг психологик асослари.
   
6. 
   Шахснинг шаклланишида ижтимоий омилларнинг аҳамиятини тушунтиринг.
   
7. 
   Ҳар бир даврга хос бўлган инкироз “кризис” лар ҳақида сўзлаб беринг.
   
8. 
   Тафаккурнинг ижтимоийлашув жараёнида тутган ўрни қандай?
   

Реферат ишлари мавзулари:

1. 
   Шахс такомиллашувида болаликнинг ролини тушунтирувчи психологик таълимотлар.
   
2. 
   Шахс шаклланишидаги ижтимоий омиллар роли.
   
3. 
   Илк болалик даври-психологик ривожланишнинг белгиловчи муҳим даври сифатида.
   
4. 
   Уч ёшгача бўлган болаларнинг психик ривожланишидаги асосий ўзгаришлар.
   
5. 
   Болалардаги билиш жараёнларининг шаклланиши.
   
6. 
   Инсон ҳаётидаги кризис даврларнинг моҳияти.