Олий ва ўрта махсус таълим

Ўзбекистон Республикаси Молия вазирлиги ҳузуридаги бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасининг даромадлари:

• 
  Ўзбекистон Республикаси Молия вазирлиги ҳузуридаги бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар;
  
• 
  вақтинча бўш турган маблағларни жойлаштиришдан олинган даромадлар;
  
• 
  қонун ҳужжатларига мувофиқ бошқа манбалар ҳисобидан шакллантирилади.
  

Ўзбекистон Республикаси Молия вазирлиги ҳузуридаги бюджетдан ташқари Умумтаълим мактаблари, касб-ҳунар коллежлари, академик
лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасининг маблағларидан:

• 
  умумий ўрта таълим ва ўрта махсус, касб-ҳунар таълими муассасаларини реконструкция қилиш ва мукаммал таъмирлаш, ўқув- лаборатория ва ишлаб чиқариш ускуналари, компьютер техникаси ҳамда ахборот-коммуникация технологияларининг таълимга кўмаклашувчи бошқа элементлари, ўқув мебели ва анжомлари билан тизимли равишда қайта жиҳозлаш ишларини молиялаштириш;
  
• 
  соғлиқни сақлаш муассасаларини қуриш, реконструкция қилиш ва мукаммал таъмирлаш ишларини молиялаштириш;
  
• 
  соғлиқни сақлаш муассасаларини энг янги лаборатория, ташхис қўйиш ва даволаш асбоб-ускуналари, компьютер техникаси ҳамда бошқа тиббий аппаратлар, махсус мебел ва анжомлар билан жиҳозлаш ҳамда тизимли равишда қайта жиҳозлашни молиялаштириш;
  
• 
  белгиланган тартибда аниқланадиган бошқа мақсадлар учун фойдаланилади.
  

Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармаси даромадлари:

• 
  Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармасининг ҳар йили тасдиқланадиган асосий параметрлари доирасида қишлоқ хўжалиги товар ишлаб чиқарувчилари томонидан тўланадиган ягона ер солиғи бўйича тушумларга мувофиқ бюджетдан ажратиладиган маблағлар;
  
• 
  бюджетдан ажратиладиган мақсадли маблағлар;
  
• 
  қонун ҳужжатларига мувофиқ бошқа манбалар ҳисобидан шакллантирилади.
  

Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармасининг маблағларидан:

• 
  суғориладиган ерларнинг мелиоратив ҳолатини яхшилаш давлат дастурлари доирасида магистрал (вилоятлараро), туманлараро, хўжаликлараро очиқ коллекторларни ва улардаги иншоотларни, ёпиқ горизонтал дренаж тармоқларини, вертикал дренаж қудуқларни, мелиоратив насос станцияларини ҳамда кузатиш тармоқларини қуриш, реконструкция қилиш, таъмирлаш ва тозалаш;
  
• 
  суғориладиган ерларнинг мелиоратив ҳолатини яхшилаш давлат дастурларига киритиладиган лойиҳаларни амалга ошириш билан боғлиқ лойиҳа-қидирув ҳужжатларини ихтисослаштирилган лойиҳалаш ташкилотлари томонидан ишлаб чиқиш;
  
• 
  ихтисослаштирилган қурилиш ва фойдаланиш ташкилотлари, сувдан фойдаланувчилар уюшмаларининг мелиоратив техника паркини маблағларни қайтариш асосида янгилашни, шу жумладан узоқ муддатли имтиёзли лизинг шартлари асосида янгилашни молиялаштириш тадбирлари;
  
• 
  Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармасини бошқариш департаментини ҳамда Қишлоқ ва сув хўжалиги вазирлигининг қурилаётган корхоналар бирлашган дирекцияларининг мелиорацияга тааллуқли қисмини сақлаб туриш;
  
• 
  суғориладиган ерларнинг мелиоратив ҳолатини яхшилаш давлат дастурларида назарда тутилган бошқа ишлар учун фойдаланилади.
  

Ўзбекистон Республикаси Молия вазирлиги ҳузуридаги Олий ўқув юртларининг моддий-техника базасини ривожлантириш жамғармаси даромадлари:

• 
  Ўзбекистон Республикасининг республика бюджети маблағлари;
  
• 
  вақтинча бўш турган маблағларни жойлаштиришдан олинган даромадлар;
  
• 
  қонун ҳужжатларига мувофиқ бошқа манбалар ҳисобидан шакллантирилади.
  

Ўзбекистон Республикаси Молия вазирлиги ҳузуридаги Олий ўқув юртларининг моддий-техника базасини ривожлантириш жамғармаси маблағларидан:

• 
  олий ўқув юртларининг ўқув-лаборатория корпусларини, спорт залларини ва талабалар яшаб турган жойларни ҳамда бошқа инфратузилма объектларини қуриш, реконструкция қилиш ва мукаммал таъмирлаш ишларини молиялаштириш;
  
• 
  олий ўқув юртларининг ўқув-лаборатория корпусларини, спорт залларини ва талабалар яшаб турган жойларни ҳамда биргаликда фойдаланиладиган олий ўқув юртлариаро илмий-лаборатория комплексларини мебел, замонавий ўқув-лаборатория асбоб-ускуналари ва илмий асбоб-ускуналар, ахборот-коммуникация техникаси ва спорт анжомлари билан жиҳозлашни молиялаштириш;
  
• 
  белгиланган тартибда аниқланадиган бошқа мақсадлар учун фойдаланилади.
  

Ўзбекистон Республикаси Президентининг “2009 йилги асосий макроиқтисодий кўрсаткичлари ва давлат бюджети параметрлари тўғрисида”ги 2008 йил 29 декабр ПҚ-1024-сон қарорининг 23-бандига мувофиқ, 2009 йилдан бошлаб давлат мақсадли ва бюджетдан ташқари жамғармалар даромадлари ва харажатларининг ғазна ижроси механизмлари тадбиқ этила бошланди.
Бугунги кунга келиб, Консолидациялашган бюджет таркибига кирувчи аксарият давлат мақсадли жамғармаларининг даромад ва харажатлари ижроси давлат бюджети ғазна ижроси механизмлари билан қамраб олинган бўлиб, бу жамғармалар маблағлари бўйича юридик ва
молиявий мажбуриятларни қабул қилиш, уларни рўйхатга олиш ва улар
бўйича тўловларни амалга ошириш тартиби худди бюджет маблағлари каби ғазначиликнинг ҳуқуқий-меъёрий ҳужжатлари асосида амалга оширилади. Жамғармаларга келиб тушадиган маблағлар улар учун Ғазначиликда очилган шахсий ҳисобрақамларига кирим қилинади ва давлат бюджетининг Ягона ғазна ҳисобрақамида акс эттирилади. Жамғармалар маблағлари ҳисобидан тўловлар уларнинг шахсий ҳисобрақамларидаги маблағлар қолдиқлари доирасида амалга оширилади.