Олий ва ўрта махсус таълим вазирлигининг

 
5. ЎҚИШ ВА ДАМ ОЛИШ ВАҚТИНИ ТАРТИБГА СОЛИШ ТАЛАБЛАРИ 
5.1. Университетда ўқув машғулотлари белгиланган тартибда тасдиқланган ўқув режаси 
асосида тузилган дарс жадвали бўйича олиб борилади. 
5.2. Кундузги таълим шаклида талабаларга ўқув йили давомида икки мартадан кам бўлмаган 
миқдорда умумий давомийлиги ўқув режаларида тасдиқланган муддатга тенг таътил 
белгиланади. 
5.3. Дарс жадвали семестр учун тузилади ва семестр бошланишидан 10 кундан кечиктирмай 
осиб қўйилади. Факультатив машғулотлар ўтказиш учун алоҳида жадвал тузилади. 
5.4. Академик соатнинг давомийлиги 40 минут (танаффуссиз қўшма дарс 80 минут). Ўқув 
машғулоти бошланиши ва тугаши ҳақида ўқитувчи ва талабалар қўнғироқ билан 
огоҳлантирилади. Ҳар жуфтлик машғулотлар ўртасида 10 минут танаффус белгиланади. 
5.5. Ўқув куни давомида тушлик танаффус 40 минутдан ошмаслиги керак. Дарс 
бошланганидан кейин барча ўқув хоналарида тинчлик ва тартиб таъминланиши лозим. Ўқув 
машғулотларини бўлиш, дарс пайтида аудиторияга сабабсиз кириш ва чиқиб кетишга йўл

---

24 
қўйилмайди. 
5.6. Ҳар бир ўқув машғулоти бошлангунига қадар (машғулотлар орасидаги танаффус 
пайтида) аудитория, лаборатория, ўқув устахоналари ва кабинетларида лаборантлар зарур ўқув 
қўлланмалари ва ускуналарини дарсга тайёрлайдилар. 
5.6. Аудитория, лаборатория, ўқув устахоналарида амалий машғулотлар ўтиш учун ҳар бир 
гуруҳ икки кичик гуруҳга бўлинади. Талабалар гуруҳининг таркиби амалий машғулотлар 
характеридан келиб чиқиб тегишли буйруқ асосида белгиланади. 
5.7. Ҳар бир гуруҳда факультет декани томонидан интизомли ва дарсга улгурувчи талабалар 
ичидан гуруҳ раҳбари (сардори) белгиланади. 
Гуруҳ раҳбари (сардор)и бевосита факультет декани, декан муовинлари ва гуруҳ 
мураббийига бўйсунади, ўз гуруҳида уларнинг барча кўрсатма ва буйруқларини бажаради. 
5.8. Гуруҳ раҳбари (сардори)нинг вазифасига қуйидагилар киради: 
а) ўқув машғулотларининг ҳамма турлари бўйича талабаларни шахсан ҳисобга олиш; 
б) ҳар куни факультет деканига дарсга келмаган ва кечиккан талабалар тўғрисида, 
уларнинг сабабларини кўрсатган ҳолда, маълумот бериш; 
в) маъруза ва амалий машғулот дарсларида гуруҳда ўқув фанининг боришини кузатиш, 
шунингдек, ўқув ускуналари ва жиҳозларининг сақланиши ҳақида жавобгарлик; 
г) 
гуруҳ талабалари ўртасида дарслик, ўқув қўлланмаларини ўз вақтида олиш ва 
тарқатишни ташкил қилиш; 
д) факультет декани томонидан машғулотлар жадвалига киритилган ўзгаришларни 
талабаларга етказиш; 
е) ҳар куни тартиб бўйича гуруҳ навбатчисини белгилаш; 
ж) гуруҳ талабаларининг стипендияларини ўз вақтида олинишини назорат қилиш; 
Ҳамма гуруҳ талабалари учун гуруҳ раҳбари(сардор)нинг юқорида кўрсатилган вазифалари
деканнинг буйруғи асосида етказилади. 
5.9. Ҳар бир гуруҳ учун белгиланган шаклдаги гуруҳ журнали шакллантирилиб, унда барча 
дарслар бўйича дарсга келмаган талабалар гуруҳ раҳбари (сардори) томонидан белгилаб 
борилади. Мазкур журнал деканатда сақланади. Ҳар кунлик дарслар бошланиши олдидан гуруҳ 
раҳбари (сардори) деканатдан журнални олиб, шу куни дарслар тугагач, деканатга топширади. 
Аудитория, лаборатория ва ўқув хоналаридаги жиҳозлар ва бошқа ашёлар бутлиги, 
мавжудлиги ва яроқли ҳолдалиги учун гуруҳнинг барча талабалари моддий жавобгардирлар.