Олий ва ўрта махсус таълим вазирлиги ўзбекистон республикаси қишлоқ ХЎжалиги вазирлиги тошкент давлат аграр университети

Карантин профлактикаси қоидалари

Карантин лабораториясида ўсимлик ва саноат махсулотларини карантин экспертизаси жараёнида аниқланган карантин объектларнинг тарқлиб кетишига йўл қўймаслик учун карантин профлактикаси қоидаларига амал қилиш керак. Инспекция ходими тадқиқот давомида оқ халатда иш олиб бориб, лабораториядан ташқарига чиқишда уни эчиб чиқиш керак. Иш жараёнида бегона кишиларнинг лабораторияга киришига йўл қўймаслик лозим.

Фитопатологик, бактериологик, вирусологик экспертиза давомида махсулотлардан карантин объектлари аниқланган тақдирда иш жойларини ва стол устини 96 % ли спирт билан яхшилаб артиб тозаланади. Тадқиқот давомида фойдаланилган ниналар, скалпеллар, пинцетлар спиртовка алангасида куйдирилиб стерилизация қилинади. Ўсимлик қолдиқлари материал ўралган қоғозлар ёқиб йўқ қилиб ташаланади.

Буюм, қоплағич, соат ойналари, пробиркалар, центрофуга пробиркалари, форфорли ховончалар фақат битта текшириш учун фойдаланилиши мумкин. Кейинги текширишларда тоза ва стерилизация қилинган янги жихозлардан фойдаланилади. Бу жихозлар фойдаланилиб бўлгандан кейин икки соат давомида сувда қайнатилиб, тоза сувда ювиб ташланади.

Тупроқларни элашда фойдаланилган элаклар хар бир намунани анализ қилишда фойдаланилгандан кейин дастлаб юмшоқ латта билан, кейин

22
спиртли пахта билан артилади ва юқорида кўрсатилгандек ювиб тозаланади. Фойдаланилган латта ва пахталар ёқиб ташланади. Картошка раки билан

зарарланган тупроқлар намуналари анализ қилингандан кейин фойдаланишдан қолганлари метал идишларга солиб, қуритиш шкафида қиздирилади.

Гелминтологик анализларда фойдаланилган тупроқ намуналари қолдиқлари челакдаги 5% формалинга 6 соат давомида солиб қўйилади. Вақт ўтгандан кейин канализацияга тўкиб ташланади.

Хориждан келтирилган карантин материаллари лаборатория экспертизасидан кейин анализ натижаларининг қандай бўлишидан қаттий назар янги идиш ва ўров материаллари билан ўралиб, намуна келтирилган район карантин инспекциясига қайтарилади. Эски идиш ва ўров қоғозлари ёқиб ташланади.