Олий ва ўрта махсус таҳлим вазирлиги ўзбекистон республикаси қишлоқ хжалиги вазирлиги

Машина ёрдами билан термодезинфексия қилиш
Чигит, дон, хар хил крупалар ва бошқа маҳсулотларни қуритиш уларни зараркунандалардан тозалашнинг енг тўғри, радикал тадбирларидан биридир. Гоммоз касаллигига қарши чигитни заҳарлашда махсус машиналарда ҳавоҳарорати 100 —105° га етказилганда кичик мита 3 минутдан сўнг, 80° да 5 минутдан сўнг ва 60° да 10 минутдан сўнг батамом ўлганлиги аниқланган. Ана шундай режимда зарарсизлантирилган чигит ўзининг дастлабки униб чиқиш хусусиятлари ва ўсиш енергиясини тўла сақлайди, чунки чигит ҳароратии унинг критик ҳароратидан бир оз паст (унинг ҳарорати 49—52° дан ошмаган) бўлади. Усти пўст билан қопланган ва пўсциз ғаллаларни нам донлар қуритиладиган дон қуритиш машиналарида зарарсизлантириш мумкин. Дон қуритиш машиналарнинг кўпгина типлари ВИМЕ — ПЗС-З, ОСМ-ЗУ, ВИСХОМ ВИМ-2 ва КДП-80, № 5 ва бошқа сепараторлар бор. Қуритиладиган донлар махсус жиҳозланган камералар орқали узлуксиз равишда қуритгич машинага бериб турилади, 120—150° гача иситилган ҳаво оқими билан дон кондицион намликка қадар олиб борилади. Бунда ҳашаротлар ва каналар ўлади. Бу қуритгич машиналар, айниқса уларга инженер Герж томонидан тавсия етилган махсус жихозланган конструксия қиздирилаётган дон ётадиган камера киритилгандан сўнг, доннинг униб чиқиш хусусиятини ва мазасини ёмонлаштирмай, уни батамом зарарсизлантиришга имкон беради.

Сухарилар, қуруқ мевалар ва сабзавотларни зарарсизлантириш
Бу маҳсулотларни расмий ёки махсус қурилган рус печида 70—100° ҳароратларда қиздирилади. Маҳсулотларга иссиқ ҳаво бемалол кириши учун уларни тунука листлар ёки сим тўрларга ғовак килиб ёйилади ва дастлабки ҳароратни 45—60 минут давомида сақлаб турилади. Бу усулнинг натижасини ва експозициясини аниқлаш учун мунтазам равишда назорат намуналар олиб борилади ва бу намуналарга қараб қуритишнинг охири белгиланади. Қуритилган маҳсулот совигандан сўнг ғалла сортларга ажратилади, ҳашарот ўликлари ва уларнинг тезакларидан тозаланади.
Пиллани зарарсизлантириш
Пиллани термик ва паротермик принсипда қишлайдиган пилла димлаш машиналарида терихўр қўнғизлардан, кичик миталардан ва бошқа зараркунандалардан зарарсизлантирилади. Зарарсизлантириш учун пилла 60° ҳароратда 15 минут димланади. Бу усулда хатто енг чидамли зараркунандалар — терихўр қўнғизлар хам ўлади, пилланинг сифати пасаймайди.