Олий ва ўрта махсус таҳлим вазирлиги ўзбекистон республикаси қишлоқ хжалиги вазирлиги

Катта ҳажмдаги донларни фумигация қилиш
Дон, крупа ва ун елеваторлар минораларида, тегирмонларда, крупа чиқарадиган ва бошқа корхоналарда одатда расмий усул билан фумигация қилиш учун белгиланган даражадан баландроқ қилиб тўкиб сақланади. Бундай холларда маҳсулотлар махсус аппаратлар ёки мосламалар—трубалар, зондлар ёрдамида фумигация қилинади. Дюралюминийдан қилинган, ёнлари тешик труба — зондлар маҳсулот ғарамига бир-биридан 2,5 м узоқликда шахмат қилиб қўйилади. Трубалар газ ўтказгичлар орқали коллекторга уланади, коллектордан хлорпикрин буғи 2-АГ машинасидан керакли миқдорда бериб турилади. Тортилган заҳарли газлар трубадаги тешиклар орқали бир текисда тақсимланади ва ғарамнинг хамма жойида зараркунандани ўлдирадиган газ консентрация хосил бўлади. Сўнгра хонанинг ғарам атрофидаги бўш жойларига газ-ҳаво аралашмаси юборилади, бундан сўнг омбор белгиланган експозиция давомида беркитилади.


Дон ва бошқа маҳсулотларни бирор ёпқич остида фумигация қилиш
Фумигация қилинадиган маҳсулотлар очиқ жойларга ёки хона ичига тахта устига тахланади ва брезент ёки плёнкалар билан (яхшиси икки қават қилиб) учлари ерга қадар осилтириб ёпилади. Одатда тахланган маҳсулотлар билан ёпилган нарсалар оралиғида (0,5—1 м) бўш жой бўлиши учун тахланган маҳсулотлар орасига қозиқлар ўрнатилиб, сўнгра ёпғичлар ёпилади. Газ ёпғич остидан чиқиб кетмаслиги учун ёпғичларнинг учлари хода, ғишт билан бостирилади ва устига тупроқ тортилади. Агар ёпғичлар яхлит бўлмаса, уларнинг четлари бир-бири билан енлироққилиб бирлаштирилади ва юмалоқ қилиб буралади, бу жойлари қозиқдан пастга қараб қўйилган махсус тарновларга жойланади ва устига оғир нарса бостириб қўйилади. Брезентнинг тешикларидан газ чиқишни камайтириш учун фумигация вақтида брезент хамма вақт намлаб турилади. Фумигант брезент остига хона ишланганда қўлланиладиган тартибда юборилади, аммо сарфлаш нормаси, тахминан, бир ярим марта кўпайтирилади.
Екиладиган уруғларни фумигация қилиш
Ғалласимон екинлар уруғини камдан-кам холларда метил бромид билан фумигация қилиш мумкин. Метил бромид баoзан ғалласимонлар уруғининг, айниқса уларнинг намлиги юқори бўлса, униб чиқишини пасайтириши мумкин.
Уруғлик чигит, нўхат, ловия ва бошқа дуккаклилар уруғини метил бромид билан фумигация қилиш мумкин. Аммо фумигация вақтида тегишли инструксияларда (13-жадвал) белгиланган қоидаларга қатoий риоя қилиш шарт (46-расм).