Олий ва ўрта махсус таълим вазирлиги ўрта махсус, касб-ҳунар таълими маркази тадбиркорлик ва бизнес асослари

Oilaviy korxonalar

Oila a’zolari yoki boshqa qarindoshlar ishtirokida tadbirkorlik faoliyatini yuritmoqchi bo‘lgan shaxslar uchun 2012-yilning 26-aprelida O‘zbekiston Respublikasining «Oilaviy tadbirkorlik to‘g‘risida»gi Qonuni qabul qilindi. Unga ko‘ra, oilaviy tadbirkorlik faoliyati bilan shug‘ullanuvchi korxona ishtirokchilarining va yollanma xodimlarning umumiy soni kichik biznes subyektlari uchun belgilangan xodimlar o‘rtacha yillik sonidan ko‘p bo‘lmasligi kerak, shuningdek, oilaviy korxona ishtirokchilarining eng kam soni ikki kishidan oz bo‘lmasligi lozim va bir oilaviy korxona ishtirokchisi bir vaqtning o‘zida boshqa oilaviy korxona ishtirokchisi bo‘lishi mumkin emas. Agar oilaviy korxona xalq badiiy hunarmandchiligi faoliyati bilan shug‘ullanadigan bo‘lsa, soliq imtiyoziga ega bo‘ladi. Boshqa faoliyat turlari bilan shug‘ullanganda oilaviy korxonalar yagona soliq to‘lovi to‘laydilar.

Mazkur qonunda oilaviy korxona tashkil etish tartib-qoidalari belgilab qo‘yilgan. Qonunning 4-moddasiga muvofiq, oilaviy korxona ishtirokchilari tomonidan tovarlar ishlab chiqarish (ishlar bajarish, xizmatlar ko‘rsatish) va realizatsiya qilishni amalga oshirish uchun ixtiyoriy asosda, oilaviy korxona ishtirokchilarining ulushli yoki birgalikdagi mulkida bo‘lgan umumiy mol-mulk, shuningdek, oilaviy korxona ishtirokchilaridan har birining mol-mulki negizida tashkil etiladigan kichik biznes subyektidir. Oilaviy korxona faoliyati uning ishtirokchilarining shaxsiy mehnatiga asoslanadi.
Oilaviy korxona ishtirokchilari — oila boshlig‘i, uning xotini (eri), bolalari va nabiralari, ota-onasi, mehnatga qobiliyatli yoshga to‘lgan boshqa qarindoshlari (bolalari va nabiralarining erlari (xotinlari)), tug‘ishgan hamda o‘gay aka-uka va opa-singillari, ularning erlari (xotinlari) hamda bolalari, tog‘a, amaki hamda amma va xolalari bo‘lishi mumkin.
Yuqoridagilardan kelib chiqqan holda kichik biznes subyektlari turlarini chizma orqali quyidagicha ifodalash mumkin:



Якка тартибдаги тадбиркорлар


Микрофирмалар