Олий ва ўрта махсус таълим вазирлиги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил

Тингловчиларга тавсия этиладиган манбалар:
“Педагогика” фанига оид бир неча манбалар. 
Тингловчилар учун кўрсатмалар: 
1. Кейс моҳиятини етарлича англаб олинг. 
2. Берилган манбаларга таянган ҳолда муаммонинг ечимини топишга 
хизмат қилувчи омилларни аниқланг. 
3. Аниқланган омиллар орасидан муаммога барчасидан кўпроқ даҳлдор 
бўлган омил (ёки иккита омил)ни ажратинг. 
4. Ана шу омиллар асосида ечимни асослашга уринг. 
5. Ечимни баён этинг. 
Кейсни ечиш жараёни: 
1. Талабалар кейс моҳиятини у билан икки-уч марта танишиш орқали, 
шериги (жуфтликда), гуруҳдошлари (кичик гуруҳларда) ёки жамоадошлари 
(жамоада) билан муҳокама қилган ҳолда етарлича англаб олади. 
2. Талаба шериги (жуфтликда), гуруҳдошлари (кичик гуруҳларда) ёки 
жамоадошлари (жамоада) билан муҳокама қилган ҳолда муаммонинг 
ечимини топишга хизмат қилувчи омилларни аниқлайди. 
3. Талаба (жуфтлик, кичик гуруҳ, жамоа) аниқланган омиллар орасидан 
муаммога барчасидан кўпроқ даҳлдор бўлган омил (ёки иккита омил)ни 
ажратиб олади. 
4. Талаба (жуфтлик, кичик гуруҳ, жамоа) ечимни ажратиб олинган омил 
(иккита омил) асосида баён этади. 
5. Ечим индивидуал, кичик гуруҳлар ёки жамоа иштирокида муҳокама 
қилинади. 

---

168 
Ўқитувчининг ечими 
1. Мазмунига кўра барча таърифлар ҳам таълим жараёнининг моҳиятини 
ёритишга хизмат қилади. Бироқ, муайян фан ҳар бир категория бўйича ўзининг 
аниқ терминологиясига эга бўлиши, тушунчалар воқеа, ҳодиса ёки жараённинг 
умумий тавсифини, объект ва предметларга хос муҳим белгиларни ёритишга 
хизмат қилиши зарур.
2. Келтирилган таърифлар асосида тегишли жараёнга хос умумий 
тавсифлар негизида тушунчани қуйидагича шарҳлаш мақсадга мувофиқ: 
таълим жараёни – ўқитувчи ва ўқувчилар ўртасида ташкил этилган ҳолда 
илмий билим, уларни амалиётда қўллаш кўникма, малакаларини 
ўзлаштиришга йўналтирилган педагогик жараён.
6-кейс. 
Нодир ўзини ўртоқлари кутишаётганлиги сабабли, кўчага 
чиқмоқчи. Дадаси бўлса, бунга рухсат бермаяпти. Нодир эса дарсларини 
тайёрлаб бўлганлигини айтиб рухсат сўраяпти. Бироқ, дадаси кутилмаганда, 
“Бундай дайди ва бебошлар билан кўчада тентираб юргандан кўра уйда 
ўтириб, китоб ўқи!” – деди.
Саволлар: 
1. Бу вазиятда ким ҳақ? 
2. Дадаси қандай педагогик хатога йўл қўйди? 
3. Сизнингча, Нодирнинг кейинги ҳаракатлари қандай бўлади?