Олий ва ўрта махсус таълим вазирлиги мирзо улуғбек номидаги ўзбекистон миллий университети ҳ. П. Абулқосимов, М.Ҳ. Абулқосимов иқтисодиёт қисқача изоҳли луғат «noshirlik yog‘dusi»

Режалаштириш – ҳар қандай субъект режалаштириш 
жараёнида ўзининг молиявий ҳолатини баҳолайди ва моли
-
явий ресурсларни кўпайтириш имкониятларини аниқлайди. 
Режалаштириш жараёнидаги бошқарув қарорлари молиявий 
ахборотлар таҳлили асосида қабул қилинади.
Резерв валюта –1) давлат хазинаси ва Марказий банк
-
ка тегишли бўлган мамлакат қуйма ва танга олтинлар; хо
-
риж валюта маблағлари; Халқаро ҳисоблар учун жамғариб, 
сақлаб қўядиган валютаси; 2) ривожланган давлатларнинг 

---

305
Халқаро ҳисоблар олиб бориш учун фойдаланиладиган мил
-
лий ва кредит пуллари.
Резидент – фуқаролиги ва паспорт статусидан қатъи на
-
зар давлат ҳудудида бир йилдан ошиқ яшаган жисмоний ва 
ҳуқуқий шахс тушунилади (бу мамлакатда штаб-квартирага 
эга бўлган дипломатик миссия ишчилари, ҳарбий персонал 
ва Халқаро ташкилотлар ходимларидан ташқари).
Резюме – бу корхона, тадбиркор ўз ишини кенгайтири
-
ши ёки янги иш бошлашда ўз олдига қўйган мақсадлари ва 
бизнеси тўғрисидаги қисқа ва тез ўқиладиган ахборотлар
-
дир. Резюмени ёки бошқача айтганда бизнес концепцияси
-
ни бизнес-режанинг энг қисқа талқини сифатида ҳам тушу
-
ниш мумкин. Шунга кўра у мустақил аҳамиятга эга бўлиши,
реклама ҳужжати сифатида инвесторга молиялаштиришни 
бошлаш ёки қўшимча маблағни жалб қилиш учун талаб
-
нома тарзида тақдим этишда қўлланилиши мумкин. Резю
-
ме бизнес-режани тайёрлашнинг сўнгги босқичида, бошқа 
бўлимлар ҳақида ҳамма нарса маълум бўлгандан сўнг ту
-
зилади. Унинг ҳажми бир неча варақдан ошмаслиги ҳамда 
қисқалик ва аниқлик билан ажралиб туриши лозим. Резю
-
меда қуйидаги асосий позицияларни акс эттириш зарур: 1) 
мазкур бизнес-режани тақдим этувчи корхонанинг миссияси, 
бизнес-режанинг мақсади, ўзига хос жиҳатлари ва тарихи
-
ни ифодалаш; 2) корхонанинг ташкилий-ҳуқуқий шакли; 3) 
корхона шуғулланиши кутилаётган бизнесни тавсифлаш; 4) 
бошқарув персоналининг малакаси ва корхона капиталида
-
ги иштироки ҳақидаги қисқача маълумотлар; 5) бозордаги ва 
тармоқдаги вазиятни тавсифлаш; 6) корхона маҳсулоти (хиз
-
матлари) ва унинг рақобатчилар маҳсулотларидан фарқи; 7) 
лойиҳанинг узоқ муддатли ва қисқа муддатли мақсадлари, 
кутилаётган даромад ва ишлаб чиқаришнинг ўсиши; белги
-
ланган мақсад ва вазифаларга эришишнинг тактик режаси; 
8) зарур инвестициялар миқдори ва улардан фойдаланиш 
йўналишлари; 9) инвестиция қўйилмаларидан фойдаланиш
-
нинг молиявий натижалари; 10) кутилаётган таваккалчилик-

---

306
лар ва инвесторлар учун мукофотлар; 11) корхонанинг иш
-
лаш шароитлари, уни яратиш ва рўйхатдан ўтказиш ҳақидаги 
маълумотлар; 12) корхона раҳбариятининг телефонлари.