Олий ва ўрта махсус таълим вазирлиги мирзо улуғбек номидаги ўзбекистон миллий университети

Курс ишининг мақсади шахс маънавий такомилида диний маърифатнинг аҳамиятини ўрганишнинг фалсафий мазмун-моҳиятини илмий нуқтаи-назардан очиб беришдан иборат.
Курс ишининг вазифалари:
- “шахс маънавий камолоти” ва “диний маърифат” тушунчаларининг таърифи, чегаралари, тарихий ва замонавий хусусиятлари, таърифларини тузиш асосида унинг илмий-категориал тушунчаларини шакллантириш, бу борадаги назарий-услубий муаммолар кўламини аниқлаш;
- жамият ижтимоий-маданий ҳаётининг тарихий ўзгарувчан хусусияти ва унинг диний маърифий фаолиятдаги инъикоси даражаларини аниқлаш ҳамда уни ривожлантиришда маданий мерос ва маънавий-ахлоқий қадриятларнинг ўрнини очиб бериш;
- ҳозирги даврда фан ва диний маърифатнинг ўзаро алоқадорлиги ва фарқини янги диний-фалсафий парадигмалар асосида очиб бериш;
- глобаллашув шароитида ёшлар диний маърифатини юксалтиришнинг ижтимоий-маданий омиллари ва интеллектуал воситаларини ривожлантириш стратегиясининг ўзига хос хусусиятлари, ушбу йўналишда махсус концепция яратиш эҳтиёжи ва миллий ижтимоий-маданий омилларнинг заруратини асослаш;
- Ўзбекистон ёшлари диний маърифат туйғуси ва унинг ижтимоий-маданий ҳаётни юксалтиришдаги аҳамиятини чуқур ўрганиш бўйича тадқиқотларнинг истиқболли йўналишларини белгилаш, уларнинг самарали йўллари ва воситаларини аниқлаш, таклиф ва тавсиялар ишлаб чиқиш.
- ёшлар онгида диний бағрикенглик ғояларини ривожлантиришнинг самарали йўллари ва усулларини ўрганиш ҳамда уларни бошқа ривожланган давлатлар тажрибаси билан қиёсий таҳлил қилиш;
- оила институтида тарбиянинг диний маърифат билан уйғунлигини тадқиқ қилиш;
- ёшлар жиноятчилигининг олдини олишда диний маърифатнинг аҳамиятини назарий ва эмпирик тадқиқот хулосалари асосида очиб бериш;
- ёшлар онгида диний маърифатни юксалтиришнинг педагогик-дидактик усулларига таянган ҳолда Ўзбекистон ижтимоий-маданий ҳаётининг замонавий тараққиётига хизмат қилувчи таклиф ва тавсияларни қиёслаш.
Курс ишининг объекти: Ўзбекистон ёшлари маънавий камолотида диний маърифатни юксалтириш тизими.