Олий ва ўрта махсус таълим

Методик тавсиялар ва ўқув курсларининг дастурлари

Методик тавсияларни тайёрлашга киришаётганда, улар кимларга: ўқитувчилар, илмий ходимлар, олий ўқув юртларининг ўқитувчилари ва бошқ. мўлжалланганини ҳисобга олиш зарур.
Методик тавсияларнинг таркиби қуйидагича бўлиши мумкин:

• 
  Кириш қисми, бунда ўқувчи аниқ методик материал билан танишишга тайёрланади ва унда методик ишланмадан фойдаланувчи кўрсатилади.
  
• 
  Асосий қисмида, таклиф қилинаётган методика, у ёки бу фаолиятда энг муҳим натижаларга эришиш йўллари ва воситалари батафсил баён қилинади.
  
• 
  Якунида, баён қилинган материал бўйича хулосалар чиқарилади.
  

93

• 
  Адабиётлар рўйхати, унда ишлаб чиқилган методик тавсиялар асосланган ҳамда методик тавсиялардан фойдаланувчиларга ёрдам берадиган адабиётлар келтирилади.
  

Нашр қилинаётган методик тавсиялар қуйидаги талабларга жавоб бериши зарур:

• 
  Ўқув ишларини ташкил қилиш методлари ва шакллари, янги методик усуллар очиб берилиши зарур.
  
• 
  Таклиф қилинаётган методик материалларнинг самарадорлиги тажриба- синов ишлари, намойишлар, жадваллар ва графиклар билан тасдиқланиши лозим.
  

Методик қўлланма фойдаланувчига мос тилда ёзилиши зарур. Хорижий тиллардан олинган ва нотаниш илмий атамаларга, изоҳларда ёки махсус атамалар луғатида тушунтириш берилиши зарур.
Ҳозирги пайтда, илмий даража даъвогарлари кўп ҳолларда у ёки бу ўқув курслари ёки махсус курсларнинг ишлаб чиқилган ва синаб кўрилган дастурларини, алоҳида китобчалар шаклида нашр қилишади.
Ўқув курсининг дастурида қуйидаги бўлимлар бўлиши мумкин:

• 
  сўз боши ёки кириш қисми, унда курснинг мақсади ва вазифалари, дастурнинг моҳияти, унинг асосий бўлимлари ва кимларга мўлжаллангани очиб берилади;
  
• 
  асосий қисмида ўрганиладиган материалнинг мазмуни ва ҳажми баён қилинади;
  
• 
  назорат саволлари ва ўз-ўзини назорат қилишга топшириқлар;
  
• 
  билим, малака ва кўникмаларни баҳолаш мезонлари;
  
• 
  предметлараро боғланишни амалга оширишга кўрсатмалар;
  
• 
  асосий ва қўшимча адабиётлар, компьютер дастурлари.
  

3.