Олий таълим ўқув режаларидаги фанларга

15-маъруза(2-соат)
Мавзу: Функциялар ва улардан фойдаланиш.
Режа:

1. 
   Функция ва процедура тушунчалари
   
2. 
   С# да функциялар яратиш
   
3. 
   return – оператори
   
4. 
   Рухсат бериш модификаторлари
   

1. 
   Функция ва процедура тушунчалари
   

Дастурлашда шундай холатларга дуч келинадики, қандайдир дастур қисмини дастурда бир неча марта ишлатишга тўғри келади. Бундай холатларда дастурнинг содда ва ихчам кўринишга келтириш учун кўп фойдаланилувчи дастурий кодни алоҳида дастур қилиб, яъни процедура ёки функция кўринишидаги қисм дастур сифатида ифодалаб олинади. Сўнгра лозим бўлганда шу қисм дастурга мурожаат қилиб керакли натижага эришилади.
Процедура-бу маълум вазифани бажаришга мўлжалланган қисм дастурдир. Процедурага асосий дастур танасидан мурожаат қилиш мумкин. Агар процедура унга тақдим қилинувчи ўзгарувчилар асосида қандайдир вазифани бажаришга мўлжалланган бўлса бундай процедуралар параметрли процедуралар деб аталади.
Функция – процедурага ўхшаш қисм дастур. Фарқи, функция унинг танасидаги қисм дастур бажарилгандан сўнг муайян бир қийматни қайтаришга мўлжалланганлиги ва функцияни у қиймат қайтарганлиги сабабли ифодалар таркибида қўллаш мумкинлигидир.
С# да method, procedure, function каби калит сўзлар йўқ. C# да ҳар қандай процедурани функция кўринишида ёзиш мумкин, шунинг учун процедура тушунчаси чиқариб ташланган. Фақат, агар функция қиймат қайтармаслиги ва худди процедура каби вазифа бажариши лозим бўлса, у ҳолда функцияни эълон қилишда void хизматчи сўзидан фойдаланилади.
15.2. С# да функциялар яратиш
С# да функцияни эълон қилиниши синтаксиси қуйидагича:
[модификатор][static] [void] <Қайтарилувчи қиймат типи> <функция номи> <([аргументлар])>
{
// функция танаси
}

бу ерда :

модификатор – функциянинг фойдаланиш мумкин бўлган таъсир доирасини белгилаб public, private, protected, internal калит сўзлари бўлиши мумкин. Бу тўғрида кейинроқ тўхталамиз;
Модификатор ва функция номи орасида static калит сўзи бўлиши мумкин. Ушбу калит сўз функциянинг статик эканлигини билдиради. Статик функциялар у жойлашган синф юкланиши билан автоматик тарзда хотирага юкланади доимий тарзда хотирада жойлашиб ўтиради;