“олий таълим тизимида стратегик қарорлар қабул қилиш ва жамоатчилик назорати” модулининг

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ

ОЛИЙ ТАЪЛИМ ТИЗИМИ ПЕДАГОГ ВА РАҲБАР КАДРЛАРИНИ ҚАЙТА ТАЙЁРЛАШ ВА УЛАРНИНГ МАЛАКАСИНИ ОШИРИШНИ ТАШКИЛ ЭТИШ БОШ ИЛМИЙ - МЕТОДИК МАРКАЗИ

	“Тасдиқлайман” Директор ўринбосари ___________ И.Исомов “______”__________2021 йил

“ОЛИЙ ТАЪЛИМ ТИЗИМИДА СТРАТЕГИК ҚАРОРЛАР ҚАБУЛ ҚИЛИШ ВА ЖАМОАТЧИЛИК НАЗОРАТИ” МОДУЛИНИНГ

ИШЧИ ЎҚУВ ДАСТУРИ


Қайта тайёрлаш ва малака ошириш курси йўналиши:
“Таълим тизими менежменти” ва “Таълим сифати менежменти”


Тингловчилар контингенти:
Олий таълим муассасалари раҳбар кадрлари


Тошкент – 2021
Модулнинг ишчи дастури Олий ва ўрта махсус таълим вазирлигининг 2020 йил 7 декабрдаги 648-сонли буйруғи билан тасдиқланган ўқув дастури ва ўқув режасига мувофиқ ишлаб чиқилган.

Тузувчи:	А.Х.Холов – иқтисодиёт фанлари бўйича фалсафа доктори (PhD), доцент
Тақризчилар:	А.Э.Юлдашев - тарих фанлари доктори, профессор А.Т.Умаров – иқтисод фанлари номзоди, доцент

Ишчи ўқув дастури Бош илмий-методик марказ Илмий методик Кенгашининг қарори билан нашрга тавсия қилинган

(2020 йил “30” декбардаги 5/4-сонли баённома)
Кириш
Ўзбeкистон Рeспубликаси Прeзидeнтининг 2017-йил 7 фeвралдаги
ПФ-4947-сонли Фармони билан тасдиқланган “2017-2021-йилларда Ўзбeкистон Рeспубликасини ривожлантиришнинг бeшта устувор йўналиши бўйича Ҳаракатлар Стратегияси” ҳамда Ўзбекистон Республикаси Президенти Шавкат Мирзиёевнинг 2020 йил 29 декабрдаги Олий Мажлисга Мурожаатномасида “олий таълимнинг қамрови ва сифатини оширишга алоҳида эътибор қаратиш”, “барча давлат органларида қарор қабул қилиш жараёнлари, очиқ ва фақат очиқ бўлишини таъминлаш” каби вазифалар белгиланган.
Ўзбекистон Республикаси Президентининг “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида” 2018 йил 5 июндаги ПҚ-3775сон Қарори¹ ва унинг иловаси билан тасдиқланган Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича «Йўл харитаси»га мувофиқ, Жамоатчилик кенгашининг (кейинги ўринларда Кенгаш деб юритилади) мақсад ва вазифалари, ҳуқуқ ва мажбуриятлари ҳамда унинг фаолиятини ташкил этиш тартибини белгилайди.
Давлатимиз раҳбари Ш.М.Мирзиёев таъбири билан айтганда, жамоатчилик кенгашлари давлат органлари фаолиятининг очиқлигини таъминлайдиган, уларни аҳоли билан бевосита боғлайдиган кўприк вазифасини бажариши лозим². Дарҳақиқат жамоатчилик кенгашлари давлат органининг нодавлат ташкилотлари, оммавий ахборот воситалари ва фуқаролик жамиятининг бошқа институтлари билан боғлаб турадиган ҳалқа ролини бажариши ҳамда такомиллашиб бориши даркор.
Ўзбекистон Республикаси Олий ва ўрта махсус таълим вазирлиги ҳамда олий таълим муассасалари фаолиятининг очиқлигини таъминлаш, фуқаролик жамияти институтлари билан алоқаларини мустаҳкамлаш, жамоатчиликка ахборот тақдим этишнинг тезкор ва замонавий шаклларини жорий этилиши, малака ошириш, илмий-тадқиқот ишларини тайёрлаш ва амалиётга татбиқ этиш, назорат-мониторинг, ходимларни ишга қабул қилиш ва лавозимга тайинлаш, олий таълим муассасалари фаолиятини ўрганиш ва тизимдаги бошқа жараёнларда шаффофликни таъминланиши, профессор-ўқитувчиларнинг ўқув юкламаларини оптималлаштириш, касбий фаолиятга замонавий ахборот-коммуникация технологияларини кенг жорий этиш асосида олий таълим тизими ходимларининг меҳнат унумдорлигини оширишга катта эътибор қаратилмоқда.
Стратегик режалаштириш ягона усуллар асосида келажакдаги муаммо ва имкониятларни расмий истиқболини белгилашдан иборат ва у ОТМлар раҳбар кадрларини узоқ муддатли режаларни тайёрлашга йўналтирилган. Стратегик режалаштиришнинг хусусиятлари биринчидан, миллий режа элементларни ягона стратегик яхлит тарзда қарайди. Иккинчидан, стратегик режалаштириш узоқ муддатли келажакка қаратилган. Учинчидан, ОТМларни келажакдаги муваф­фақиятли ривожланишини белгилайди.
Олий таълим тизимида стратегик қарорлар қабул қилиш олий таълимнинг стратегик мақсадларин амалга оширишга қартилган дастурларни ишлаб чиқишда ишлатилади Улар узоқ муддатга, одатда бир неча йилга ҳисобланади ва стратегик маслаларни ҳал этилишиди ишлатилади, шунинг учун уни истиқбол режаси деб атайдилар.
Глобал пандемия шароитида стратегик қарорлар ОТМлар фаолиятидаги янгича ёндашувлар, кескин бурилишларни силлиқ ўтишини таъминлайди. Стратегик қарорлар ОТМлардаги янги манбаалар хисобига бутун иқтисодий ва ижтимоий муаммоларни ечишга ёрдам беради.