Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Биринчи босқич (бошланғич тизимли таҳлил).
-аввал танланган элемент-тизим ўрганилади. Тизимга бўлган талаблар шаклллантирилади.
-ҳар бир тизимда (элементда) кўп жараёнлар содир бўлади. Жараёнлар тўпламидан, қўйилган масала ечимини тўғри топиш учун зарур бўлган жараёнлар танланади;
-тизим ҳамда ўрганилаётган жараённинг кириш, чиқиш параметрлари ўрганилади. Кўп ҳолларда, параметрларни ўзаро боғланишини аниқлаш, тизимни тадқиқот этилиши учун унинг ичидаги тизимларни аниқлашни талаб этади.
-элемент - тизим тузилиши аниқланади. Кўрилаётган тизим (элемент) нинг ташкил этувчи элементлари аниқланди, ва ҳар бир танланган элемент ва жараён учун параметрлари - кўрсатгичлари аниқланади. Шу тарзда тизимга чуқурроқ кириб борилади.Элементни (тизимни) ташкил этувчи тизимларга ажратиш жараёни чекланмаган². Бу жараён, зарурият даражасига ва оптимал қарор қабул қилиш учун тадқиқотлар ўтказиш имкониятларига қараб амалга оширилади.
Иккинчи босқич (параметрларни ўзаро боғланишини аниқлаш, аниқловчи тахлил).Бунда, объект кўриниши ва қўйилган масала мазмунига қараб ҳар бир тадқиқотчи, тадқиқот олиб борилаётган ўз соҳаси услубларининг катта имкониятларидан фойдаланиши мумкин.
Параметрларнинг миқдор муносабатларини аниқлаш, матеметик ифодалардан фойдаланишни талаб этади. Бу эса математик ёки компьютер моделларига мурожат этишга олиб келади. Параметрларнинг ўзаро боғланишлари аниқлангандан сўнг, оптимал тизимни қидиришга ўтиш мумкин.
Учинчи босқич (оптимал ечим танланиши).Бунда, тизимли таҳлил асосида шаклланган талаблар аниқлаштирилади ва конкретлаштирилади³.Бирламчи тизим, ҳамда ҳар иерархик поғонадаги тизимлар учун оптималлаштириш шартлари танланади.
___________________________________________________________
¹Гартман Т.Н., Клушин Д.В. Основы компьютерного моделирования химико-технологиченских процессов. М.ИКЦ «Академкнига», 2006 -416 с
²http://victor-safronov.narod.ru/systems-analysis/papers/to-question-of-systems-analysis-development.html.
Артыков А. К вопросу развития системного анализа на примере технологических объектов.
³Wegner Peter. "Research Paradigms in Computer Science". Proceedings of the 2nd International Conference on Software Engineering. San Francisco, CA, USA: IEEE Press. 2000.pp. 322–330.
Оптимал ечим топиш усули танланади. Оптимал ечим топилади.
Биринчи босқич - тизимли таҳлил бошланиши, барча фанлар учун универсал бўлиши мумкин. Иккинчи ва учинчи босқичлар, ҳар бир соҳада қўйиладиган масалага боғлиқ ҳолда бажарилиши мумкин.
Тизимли таҳлил оптимал тизимларни қидиришнинг фанларда мавжуд бўлган кўплаб ҳар хил усулларига йўл очиб беради.