|
Назорат саволлари:
1.
Тестология фанининг мақсади ва вазифаларини аниқланг.
2.
Олий
таълимда
ўқитиш
жараёнининг
яхлитлиги
ва
тизимлилигини изоҳланг.
3.
Олий таълимда фанларни ўқитишда таълим мазмуни ва унинг
таркибий қисмларига изоҳ беринг.
4.
Стандарт ва ностандарт тестларга таъриф беринг.
5.
Ностандарт тестларнинг қийинлик даражалари таснифини
тушунтиринг.
6.
Ўқув мақсадларининг Блум таксономиясининг моҳиятини
айтиб беринг.
7.
Талабаларларнинг
ўзлаштирган
билим,
кўникма
ва
малакаларини назорат қилиш ва баҳолашда тест топшириқларидан
фойдаланиш йўлларини изоҳланг.
Фойдаланилган адабиётлар:
1.
Garry G. Azgaldov.Alexander V. Kostin Alvaro E. Padilla Omiste.
The ABC of Qualimetry.
Toolkit for measuring theimmeasurable Ridero 2015.
2.
Bloom B.S. a.o. Handbook on Formative and Summative Evaluation
of Student Learning. N - Y., McGraw-Hill, 2014. – с-232.
82
IV. АМАЛИЙ МАШҒУЛОТ МАТЕРИАЛЛАРИ
1-амалий машғулот:
Профессор-ўқитувчиларнинг замонавий модели ва квалиметрик
диагностикаси
РЕЖА:
1.
Олий таълим муассаси профессор-ўқитувчисининг замонавий
модели ва таҳлили.
2. Олий таълим муассаси профессор-ўқитувчисининг замонавий
профессиограммаси.
1.1. Олий таълим муассаси профессор-ўқитувчисининг замонавий
модели ва таҳлили.
Узлуксиз таълим тизимида педагогик фаолият юритаётган ўқитувчи,
шу жумладан, олий таълим муасссасасида ишлаётган профессор-
ўқитувчининг шахси табиий уникал система бўлиб, унинг шахсий ва
индивидуал хусусиятларини ҳисобга олган ҳолда, ҳозирги замон
профессор-ўқитувчисининг моделини лойиҳалаштириш мушкул.
Шунга қарамасдан, профессор - ўқитувчисининг моделини умумий ва
ягона ҳолда тузиш, шу билан бир қаторда, ҳар шахснинг ўз
хусусиятларини ривожлантириши, ўзига хослигини сақлаб қолиши, ўз
қизиқишларига мувофиқ ҳолда илгарига интилишига имкон бериш зарур.
Мутахассис модели - аниқ бир касб бўйича мутахассиснинг
умумлашган образли тузилмаси бўлиб, у муайян таркибий қисмлардан
иборат бўлади.
Узлуксиз таълим тизимини тубдан ислоҳ қилиш, мазмунан
янгилашнинг илмий-назарий асоси бўлган Ўзбекистон Республикаси
«Таълим тўғрисида» ги Қонуни ва Кадрлар тайёрлаш миллий дастури
буюртмалари, миллий истиқлол ғоясининг асосий тушунчалари ва
тамойиллари ўқитувчиларнинг умумий, касбий, илмий-назарий, педагогик-
психологик, илмий-методик тайёргарлик даражасини замон талабларига
мос бўлишини тақозо этади.
Шуни эътиборга олган ҳолда узлуксиз таълим тизими учун профессор
-ўқитувчисининг моделини тузишга ҳаракат қилинди.
Ушбу моделни тузиш учун Республикамизда мавжуд меъёрий
ҳужжатлардаги ўқитувчиларнинг умумлашган модели таҳлил қилинди.
Жумладан, муаллифлар гуруҳи томонидан тайёрланган «Ўзбекистон
Республикасида кадрлар малакасини ошириш, уларни қайта тайёрлаш
тизимини ислоҳ қилиш бўйича меъёрий ҳужжатлар ва 1999-2005 йилларга
мўлжалланган истиқболли режалар» тўпламида педагогнинг умумлашган
модели берилган.
83
Модел асосини педагогга қўйиладиган талаблар ташкил этиб, у ўзида
шахс фазилатлари, ўқита олиш, тарбиялай олиш ва таълим олувчилар
билимларини адолатли баҳолай олиш ва назорат қила олиш каби таркибий
қисмларни мужассамлаштирган.
Педагог шахсининг фазилатларига талабчанлик, виждонлилик, ҳазил-
мутойиба ҳисси, обрў, хайрихоҳлик, адолатлилик киритилган. Буларнинг
ичида обрў шахс фазилати эмас, балки шахснинг фазилатлари туфайли
эришиладиган мавқеи саналади.
Бизнинг назаримизда, ўқитувчининг педагогик фаолиятига ёрдам
берадиган фазилатларига илмга чанқоқлик, киришимлилик, камтаринлик,
меҳнатсеварлик, интизомлилик, фидойилик, меҳрибонлик, бағрикенглик,
одамохунлик, хушмуомалалилик ва ҳ.к киритиш мақсадга мувофиқ эди.
Юқорида қайд этилган моделнинг тарбиялай олиш қисмига юксак
маънавиятли, педагогик маданият ва маърифатли, шахсий одоб намунаси,
нуфузи, ватанпарварлик ва бурч ҳислари, гуманитар ва гуманистик
тайёргарлик, ўқув-тарбиявий ишларнинг ташкили киритилган. Мазкур
талабларни шакллантиришда узлуксиз таълим тизими олдидаги давлат ва
ижтимоий буюртмалар ҳисобга олиниши ва аниқ белгиланиши керак эди.
Моделнинг ўқита олиш таркибий қисмига қўллаб-қувватлаш ва ўқув
жараёни муҳити, психологик-педагогик тайёргарлик, чет тилларни
билиши, фанни чуқур билиш, касбий лаёқатлилик, билимдонлик, янги
педагогик технологияларга эга бўлиш, илмий-услубий иш, илмий-тадқиқот
иши, ўз ишини доимий такомиллаштиришга интилиш, меъёрий
ҳужжатларни билиш, компьютер технологиясига эга бўлиш, ахборот база
ва ресурслар киритилган. Бизнинг назаримизда, бу гуруҳдаги талаблар
ўқитувчининг илмий-назарий, илмий-методик тайёргарлигига қўйиладиган
талаблардан келиб чиқиши лозим эди.
Ўқитувчининг умумлаштирилган моделида педагогнинг ўқита олиш
ва тарбиялай олиш функцияларининг ажратилиши илмий асосланмаган,
чунки бу икки функция ягона таълим-тарбия жараёнида амалга
оширилади, шунингдек, ўқитишнинг таълим-тарбиянинг узвийлиги
принципига зид ҳолатдир. Шу билан бир қаторда мазкур модел таҳрир
талаб, ундаги талабларни аниқлаштириш лозим.
Моделнинг таълим олувчилар билимларини адолатли баҳолай олиш ва
назорат қила олиш таркибий қисмига талабаларнинг билимларини
рейтинг-назоратини билиш ва қўллай олиш, стандартланган тестларни
ишлаб чиқиш ва қўллай олиш киритилган.
Шуни қайд этиш керакки, таҳсил олувчиларнинг ўзлаштирган билим,
кўникма ва малакаларини назорат қилиш ва баҳолаш, ўқув-тарбия
84
жараёнидан олинган натижаларни таҳлил қилиш ва мазкур жараённинг
боришига тегишли ўзгартиришлар киритиш таълим-тарбия жараёнининг
ажралмас ва энг муҳим зарурий қисми саналади. Маълумки, педагогнинг
ушбу тайёргарлигини унинг илмий-методик тайёргарлигидан ажратиш
мумкин эмас.
Республикамизда биринчи марта тайёрланган педагогларнинг
умумлаштирилган моделининг таҳлили, унинг бугунги кун талабига жавоб
бермаслиги, унда узлуксиз таълим тизими олдига қўйилган талаблар ўз
аксини топмаганлиги, таҳрир талаблиги, баъзи қисмларни аниқлаштириш,
шунингдек, ўқитувчиларнинг педагогик фаолиятидаги асосий масалаларни
киритиш ва илмий-педагогик нуқтаи назаридан қайта ишлаш лозимлигини
кўрсатди.
Do'stlaringiz bilan baham: |
