Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Болонья декларациясининг асосий қоидалари:

• даражали маълумот - бакалавр, магистр;
• кредитларни жорий этиш - 30 дан 40 соатгача бўлган ўқув бирлигининг бухгалтерия ҳисоби, шу жумладан аудитория ва мустақил ишларни, ҳафтадаги талабанинг илмий ишига тенг ҳажм;
• талаба ва ўқитувчиларнинг мобиллиги;
• таълим сифатини назорат қилиш.

Академик мобилликни ривожлантириш ғояси, эркин ҳаракат йўлидаги тўсиқларни енгиб ўтишни ўз ичига олади:

• талабалар учун - таълим ва касбий тайёргарлик имкониятларидан фойдаланиш;
• ўқитувчилар, тадқиқотчилар ва маъмурий ходимлар учун - Европада тадқиқот олиб бориш, ўқитиш учун фойдаланилган вақтни тан олиш ҳамда кредит, уларнинг қонун билан белгиланган ҳуқуқларига зиён етказмаслик.

Қўшма таълим дастурлари Болонья жараёнининг асосий мақсадларини тўлиқ амалга оширади:

• сифатни биргаликда назорат қилиш;
• даражаларни тан олиш;
• таълим тизимларининг яқинлашуви ва шаффофлиги;
• академик мобиллик.

2.1. Таълим тизимида сифатни баҳолаш тамойиллари
“Олий таълим сифати” XIX асрларда ишлатила бошлаган. Таълим сифати тушунчаси бўйича умумқабул қилинган умумий ибора мавжуд эмас.
Таълим сифати - инсон ҳаёт-фаолияти сифатини ошириш ва аниқ мақсадга эришишда фойдаланиш учун зарур бўладиган, аниқ шароитларда талаб этилиб олинган билимлар мажмуидир.
Сифатга эътибор ва унинг ривожланиш босқичларини мантиқан қуйидаги даврларга бўлиш мумкин:
1. ХХ асрнинг 60-йиллари - бозор рақобатбардошлиги шароитида энг асосий омил - маҳсулот сифати;
2. ХХ асрнинг 70-йиллари – маҳсулот сифатидан ишлаб чиқариш технологияси сифатига ўтиш босқичи;
3. ХХ асрнинг 80-йиллари - сифатни бошқариш тизими босқичи;
4. ХХ асрнинг 90-йилларидан бошлаб таълим сифати, интеллектуал ресурслар сифати, инсон ҳаёти сифати - асосий омил сифатида намоён бўла бошлади.
Таълим сифатини аниқлашда сифат кўрсаткичларини қуйидаги гуруҳларга ажратиш мумкин:

• профессор-ўқитувчилар таркиби сифати;
• ўқув юртининг материал-техник базаси;
• ўқитувчилар таркибининг асосланганлиги;
• ўқув дастурлари сифати;
• талабалар сифати;
• инфратузилма сифати;
• билим сифати;
• раҳбариятнинг инновация фаоллиги;
• инновацион жараёнларни тадбиқ этилиши;
• битирувчиларга бўлган талаб;
• битирувчиларнинг меҳнат бозорида рақобатбардошлиги;
• битирувчиларнинг ютуқлари.

Таълим сифатини бошқаришдаги асосий ҳужжатлардан бири стандартлаштиришдир. ISO фаолияти (Халқаро стандартлаштириш ташкилоти):

• Халқаро стандартларни ISO нинг барча аъзоларининг келишувига кўра қабул қилиш;
• Янги мукаммаллашган стандартларни жорий этишга таъсир кўрсатиш;
• Техник қўмиталар ва ташкилот аъзолари тўғрисида ахборот алмашинувини йўлга қўйиш;
• Бошқа халқаро ташкилотлар билан ўзаро ҳамкорлик қилиш.