Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Умуман олганда, Буюк Британиянинг таълим тизими узок тарихий даврда босқичма-боскич такомиллашиб борди ва кўплаб мамлакатлар учун андоза бўла оладиган даражага етди.
1.2. Буюк Британия таълим тизимини бошқариш хусусиятлари
Англия университетларида асосий бошқарув органи Сенат ёки Университет Кенгаши ҳисобланади. Уни канцлер бошқаради. Бу штатнинг кўзга кўринган арбоби ҳисобланади. Сенатга ўқитувчилар, талабалар, битирувчилар вакиллари, штат хукумат аъзолари ва таниқли ишбилармонлар киритилиши мумкин.
Одатда ректорликка номзод дастлаб Сенат ва Маъмурий Кенгаш аъзоларидан иборат қўшма комиссия томонидан тайинланади. Шундан сўнг Маъмурий Кенгаш томонидан тасдиқланиши лозим. Бошқа ОЎЮ малакали профессорлардан ректор танлаш амалиёти ҳам мавжуд.
Буюк Британия олий таълим тизимидаги молиявий бошқарув асосан талабалар қабулининг миқдори, таълимнинг меҳнат ва материал талаблилигига асосланган. Олий ўқув юртларининг молиявий таъминоти манбалари турлича бўлиб, улар асосан икки йўналиш: таълим ва илмий тадқиқотларга бўлинган ҳолда амалга оширилади. Буюк Британия ОЎЮларида илмий тадқиқотлар Тадқиқотлар кенгашлари томонидан ҳам қўшимча молиялаштирилади.
Хошимов П.З., Орипов М.А. “Буюк Британия таълим тизимини бошқариш хусусиятлари” мақоласида мамлакат университетларининг бюджети шаклланиши схемасини келтиришган
1.3. Олий таълимда академик мобилликнинг Европа мамлакатлари ва Буюк Британия тажрибалари
Болонья жараёни 1998 йил 25 майда Сорбонна Университетининг 800 йиллигига бағишланган тадбирда Франция, Германия, Италия ва Буюк Британиянинг таълим вазирлари томонидан имзоланган Сорбонна декларациясидан бошланган дейиш мумкин.
Давлатлар даражасидаги Болонья жараёни 1999 йил 19 июнда 29 та таълим вазирлари ўз ҳукуматлари номидан Болонья декларацияси деб номланган ҳужжатни имзолаши билан узил-кесил ташкил этилган.
Болонья жараёнининг навбатдаги босқичи 2001 йил 19 майда Прагада бўлиб ўтди ва бунда 33 Европа мамлакати вакиллари қатнашган. Россия Болонья ташаббусига 2003 йил 19 сентябрда Берлин йиғилишида қўшилди.