Олий таълим муассасалари талабалари республика фан олимпиадасини 2020 йилда

олий таълимнинг давлат таълим стандарти – муайян таълим 
соҳасида қўйиладиган малака талаблари, таълим мазмуни, битирувчилар 
умумий тайёргарлигининг зарурий ва етарли даражасини, кадрлар тайёрлаш 
сифатини баҳолаш даражаларини белгилайдиган эталон даражаси.
ўқув фани дастури – таълим мазмуни, уларнинг талабалар томонидан 
ўзлаштирилишининг энг мақбул усуллари, ахборот манбалари кўрсатилган 
норматив ҳужжат; 
таълим йўналишининг малака талаблари − узлуксиз таълим 
тегишли босқичи битирувчиларининг умумий билим ва касб тайёргарлиги 
даражасига қўйиладиган талаблар.

---

ижодий иш топшириқлари − ижодий иш олимпиада ўтказилаётган 
муайян гуманитар, табиий-илмий, умумкасбий ва ихтисослик фанлар 
доирасидаги мавзу юзасидан бажариладиган ҳамда талабалар ижодий 
қобилиятларини ривожлантиришга қаратилган топшириқлар мажмуаси; 
ёзма иш ёки амалий топшириқлар – фан дастурида белгиланган 
талабалар билимини баҳолашнинг таянч қонуниятларига асосланган, ўтилган 
фанларга нисбатан ижодий ёндашиш, мустақил фикрлаш, ўз билимини 
доимий равишда ошириш, адабиётлардан кенг фойдаланиш, ўз фикрларини 
ёзма равишда аниқ ва лўнда ифодалаб бериш ҳамда тақдим этиш 
хусусиятларини ўзида мужассамлаштирган топшириқлар мажмуаси; 
тест топшириқлари – талабалар ақлий ривожланишини аниқлаш 
мақсадида ишлатиладиган, муқобил ечимлари кўрсатилган, тезкор аниқлашга 
қаратилган стандарт топшириқлар мажмуаси; 
онлайн суҳбатлар − ўзаро диалог орқали талабанинг қобилиятини 
аниқлашга қаратилган оғзаки топшириқлар мажмуаси; 
олимпиада топшириқларини баҳолаш мезонлари – талабалар 
республика фан олимпиадасида ғолибларни аниқлаш учун берилган 
топшириқларга жавобларнинг қийматини белгиловчи баҳо, ўлчов ёки 
даража; 
2. Республика ҳудудида фаолият кўрсатаётган барча олий таълим 
муассасалари (давлат ва нодавлат, олий ҳарбий ва ихтисослаштирилган 
таълим муассасалари, хорижий олий таълим муассасалари ва уларнинг 
филиаллари, факультетлари) талабалари (курсантлари) орасида мазкур 
Низомда белгиланган талаблар асосида вазирлик томонидан тасдиқланган 
фанлар бўйича “ОТМ талабалари ўртасида ўтказиладиган республика фан 
олимпиадаси” (кейинги ўринларда Олимпиада деб юритилади) ўтказилади. 
Ушбу Низом олий таълим муассасалари талабалари ўртасида ўтказиладиган 
республика онлайн фан олимпиадаларни ташкил этиш ва ўтказиш тартибини 
белгилайди. 
3. Олий ва ўрта махсус таълим вазирлиги таянч олий таълим 
муассасалари билан биргаликда, икки ҳафта муддатда, олимпиада 
фанларининг рўйхатини шакллантиради. 
4. Олимпиадани холис ва адолатли ўтказилишини назорат қилиш ҳамда 
натижаларини таҳлил этиш олимпияда ташкил этган олий таълим 
муассасаларига юклатилади.