Олабўжи романдан катта хикоя

Мунди чўнтагидан “Ту” чиқариб, шоша-пиша бирини тутатди. Ютақиб 
давом этди: – Унда айтилганки, уф... Ҳе, энасини Учқўрғондан кўрсатай 
мундай идеологияни! Ҳозир айтаман, Ултонжон. 
– Чой-пой қилиб... 
– Пиво борми? 
– Пиво қишда бўлади, – деди Собир. – Сиз бор нарсани сўранг-да! 
– Жим ўтир, – унга мушт ўқталди Мунди. – Улоқ беради, 
туёғиниям кўрсатмайман бўлмаса... Ана шундай ўтир. Гапга қўшилма, 
иззатингни бил! 
– Кечирасиз, устоз. 
– Пиво у ёқда, – дея Ултон “Прима”сидан тутатди. – Кейин? 

---

241 
– Ҳозир ўзимиз ҳам ўша ёққа бир тушиб чиқамиз... – Мунди яна 
мунгланди, думалоқ кўзлари сузилиб кетди. – Оғажо-он, – давом этди 
кейин, – бошингни қайси тошга уришингни билмайсан!... Хўш, сизга бир 
савол, азизим: “Ўзбек чопон киядими?” Ҳа, кияди. Миллий кийимимиз. 
Деҳқон шўрлик ёздаям эгнидан ташламайди... яғир бўлиб кетсаям! 
Дўппини-чи, дўппини? 
– Ҳа. 
– Хатда шундай дейилади: хўш, газетада чопонли, дўппили 
кишилар расми берилмасин. 
– Ҳа, – деди Собир. – Бу нарса – пропаганда бўлар эмиш, миллий 
кийимнинг пропагандаси... 
Ултон бақрайиб қолди. Кўз ўнгига вилоят редакциясидаги 
мошинка босувчи жувон келган эди: унинг ўрилган сочлари, лозими... 
– Вой, кимга дод дейсан? – Мунди пешонасига бир шапати урди. –
Мияга сиғмайди бу гап... Тавба, ғирт аҳмоқлик-а! Уф-ф. Лекин 
“Секретний...” дейилгани учун ўйладимки, улар халқдан қўрқишади. 
Шундай эмасми? Ҳе, онаизорингни... 
– Мен... ҳеч нарсани тушунмай қолдим, – деди Ултон ўзига келиб. – 
Саксонинчи йилларда, бугунги кунда... 
– Редактор ҳам ҳайрон! Бўлмаса ўзи қип-қизил камунист! –