Олабўжи романдан катта хикоя

зўриқиб- чайқалиб туриб кетди Мунди. – Кетсанг, бошингни олиб! Шу 
дунёни сенларга бердим, деб... 
– Қаерга? – сўради Собир. 
– Гўрга! Йўқ... Гўрдан ҳам топишади... Эй, бу ерда “қулоқ” йўқми, 
Ултонжон? 
Ултон бош чайқади. Собир: 
– Бо-ор, – деди. – Деворниям қулоғи бор, дейдилар-ку? 
– Тек ўтирасанми, йўқми? 
– Кечирасиз, устоз. 
– Ҳе, устозинг ўлиб, кўчада қол! – Мунди эшикдан Олатоғ томонга 

---

242 
қараб, чуқур хўрсинди. 
Ултон жим: нима дейишини билмас... лол-ҳайрон ва аламда эдики, 
ўзини шундоқ ерга ташласа-да, кўзларини юмса. Сўнг ҳамма нарсани 
унутса... 
 – Тавба, – деди у бир маҳал. – Бундай жаҳолатни... олам кўрмаган. 
Шунда қандайдир тарих китобида ўқигани бир ҳолат хотирига келиб 
қолди. – Қадрдонлар, – деди овозини кўтариб. – Туркистон генерал-
губернатори ўзимизнинг бойларимиз иштирокидаги бир базмда битта 
бойнинг боласи курашиш учун унга қўл узатганда, губернатор қўлни 
олмайди... Ҳа-ҳа. Русия бизни биринчи марта босиб олганидан кейин... 
Тошкентда... “Йўқ, болам, – дейди у. – Мен бегонаман. Ғайридинман. 
Сен сарт бўлиб, мусулмон бўлиб қолавер!” 
– Ў-ў, қизиқ-ку! – деди Мунди. 
– Бу гапи билан у ҳоким: “Сизлар Ғарб цивилизациясига 
яқинлашманглар!” демоқчи бўлади. Бу – ашаддий колонизаторнинг 
гапи эди. 
– Лекин... 
– Шошманг, – давом этди Ултон. – Бу ҳаракатда, ҳа, ўзлигингни 
унутма, деган гап ҳам бор... Аммо бу – маневр эди. Аслида мақсад ерли 
халқни русларга қизиқтириш, оқибат руслаштириш эди. 
– Яшанг! – деди Мунди. – Мана шу “секретний хат” ҳам... ана шу 
мақсадни кўзда тутади.