Олабўжи романдан катта хикоя

бориб уни силади. 
Собир эса ёлғондакам: 
– Ув-в, – деб йиғлай бошлади. – Энди нима қилади Мунди акам? 
Ўзлари сени отиб олмоқчи эдилар. Қишда. Жунларинг бир қарич 
бўлганда... 
– Ёп оғзингни, гўдак! – деди Мунди. – Ултонжон, милтиқ борми? 
– Вой-во-ой, – деб ёғоч курсига ўтира қолди Собир. – Мен-мен... 
ўзим отиб олиб, сизга обориб бермоқчи эдим. Болаларингиз юпун. 
Қишдаям бир кўйлакда юришади... 
Мунди пиқиллаб кулиб: 
– Сен одам бўласан, – деди. А, Ултонжон? Аммо лекин шу бола 
ўсаяпти! 
 – Ўссин, ўссин, – деб қўйди Ултон. – Мунди, ўтиринг. Хўш, нима 
олиб келай, нима ейсизлар? – Шу гап оғзидан чиқиши замон 
Мустафоқул амакининг ўтган кунги илтимоси эсига тушиб кетди. – Ёки 

---

239 
чойхонага борамизми? 
– Тузук гапиринг. Уят бўлади-е, Ултонжон... – деди Мунди. – 
Шундай кунда... – Катга ўтирди-ю, турасолиб, бошқа курсига чўкди. – 
Ултонжон, бир фотиҳа қилайлик, биз кетамиз. 
– Энди келдинглар-у... – Ултон ўтирди. Фотиҳа ўқилгач: – Боққа 
тушамизми? Сувнинг бўйига, – деди. 
– Иш бор, – жиддий ирғалди Мунди. – Бугун материал 
туширишимиз керак. 
– Ҳа, – деди Собир ҳам, – Опаям илтимос қилган. 
– Опангни эсламай тур! – силтаб ташлади Мунди. – Опа эмиш... 
Гапираверади-да у! 
– Сизга Бўтабой Сўпининг гапи бўлса – гап-а? 
– Албатта! – деди Мунди пишиллаб. – А-ахир, у менга... бериб 
туради. Яшириб нима қиламан, Ултонжон? У тўнғиз еганда, мен оч 
ўтиришим керакми? 
Ултон чуқур нафас олиш баҳонасида хўрсинди: рост, вилоят 
газетаси редакциясида ҳам азбаройи тирикчилик ғамида айрим хўжалик 
бошлиқларини мақтайдиган ходимлар бор эди: камчилигини яшириб.