Oksikarbon kislotalar

Optik aktiv izomerlar faqat (+) va (—) ishoralar bilan farqlanib, ular optik antipodlar ham deyiladi.

Glitserin aldegidning fazoviy tuzilishi bilan qolgan moddalarni taqqoslab, ularning proyeksion formulalari yoziladi. Ko‘p moddalar chapga va o‘ngga buruvchi izomerlardan tashqari optik aktiv bo‘lmagan (rasemat) izomerga ham ega. Moddalarning ratsemat izomeri chapga va o‘ngga buruvchi izomerlari miqdori teng bo‘lgan izomerdir.

Sut kislota yoki oksipropion kislota CH₃–CH(OH)–COOH. 1780- yilda nemis kimyogari K. V. Shyele sut kislotani birinchi marta qatiqdan ajratib olgan.

Sut (α-oksipropion) kislotaning uch xil optik (ko‘zgu) izomer shakllari, ya’ni qutblanish tekisligini o‘ngga buruvchi (+), chapga buruvchi (—) va optik aktiv bo‘lmagan ( ) rasemat shakllari mavjud.