Oiv-infeksiyasi tarixi, etiologiyasi va epidemiologiyasi oiv infeksiyasining yuqish yo‘llari oiv-infeksiyasini kechishi

OIV-infeksiyasi tashhisi qo‘yiladi. YOlg‘on manfiy natijalar kamdan-kam holatlarda, asosan, yuqish va serokonversiya davrlari orasida uchraydi va 6 oydan uzoq vaqt bo‘lmaydi. YOlg‘on musbat natijalar ham odatda kam uchraydi. IFAda musbat natija va OIVning faqat bir yoki ikki antigeniga antitanacha topilishi immunoblot tekshiruvida ishonchsiz natija hisoblanadi. Ishonchsiz natija serokonversiya davrida, kasallikning ohirgi davrida va organizmda alloantitanachalar (xomiladorlik, qon quyish, organ tarnsplantatsiyasi) yoki autoantitanachalar (autoimmun kasalliklar, xavfli o‘smalar) bor holatlarda olinadi. Bunday bemorlarda 3-6 oydan so‘ng qayta tekshiruv o‘tkazish lozim. Agar gumonli natija serokonversiya fonida olingan bo‘lsa, bir oydan keyingi tekshiruvda musbat natija olinadi.
Har bir OIVga chalingan yangi bemordan UASH to‘liq anamnez yig‘ishi zarur. Bu ma’lumotlar quyidagi savollarni berib aniqlashtiriladi:

YAshash joyidan chetga chiqqanmi: chet elga, qaysi davlatga, shaharga borgan, qancha vaqt u erda bo‘lgan? Xavfli hulq-atvor kuzatilganmi? Mumkin bo‘lgan yuqtirish vaqtlari, kasallik boshlanishi?

• Qon va uning komponentlari quyilganligi haqidagi ma’lumotlar, qaerda, qachon?

  
  
• 
  Tibbiy yordam ko‘rsatilgan davolash-profilaktika muassasalari ro‘yxati.
  
• 
  Narkologik va\yoki teri-tanosil dispanserlarida ro‘yxatda turadimi?
  
• 
  OIVga chalingan shaxslar, tomirdan giyohvand modda qabul qiluvchilar yoki fohishalar bilan jinsiy aloqada bo‘lganmi? Bunday vaqtda himoya vositalaridan foydalanganmi?
  
• 
  Tomir orqali giyohvand moddalar qabul qilganmi? Bunda umumiy igna va shpritslardan foydalanganmi?
  
• 
  O‘zini ilgari xam OIVga tekshirtirganmi? Qaerda? Qachon? Nima sababli?
  
• 
  Olgan muolajalari – igna bilan sanchib davolash, xatna qilish, pirsing, uyda olgan boshqa in’eksiya va boshqalar.
  
• 
  Sartaroshxonalarda olgan muolajalari (kosmetik, ustarada soqol olish, manikyur), tatiurovka (teriga igna sanchib rasm chizdirish), quloqlarni teshtirish.
  
• 
  Qanday profilaktik emlashlar olgan?
  
• 
  OIV infeksiyasiga xos belgilar: isitma, kechalari ko‘p terlash, ozib ketish, ich ketishi, yo‘tal, teridagi toshmalar, kandidozlar, og‘iz shilliq qavati yarachalari, bosh og‘rishi, nevrologik va ruhiy o‘zgarishlar bormi?
  

OIVga chalingan shaxs bilan suhbat davomida uni O‘zbekiston Respublikasi «Odam immuntanqislik virusi bilan chaqiriladigan kasalliklari profilaktikasi xaqida» Qonunining «Kasallikni yuqtirishdagi javobgarlik» to‘g‘risida № 7 bandi tushuntiriladi va bemor “Testdan keyingi maslahat o‘tganlik varag‘i”ni to‘ldiradi.