Oila, mahalla, maktab kontseptsiyasi, uning yosh avlod ma’naviyatini yuksaltirishdagi imkoniyatlari” mavzusidagi bitiruv malakaviy ishi

Hududiy profilaktika inspektori esa hududdagi voyaga yetmaganlar va yoshlarning ma’naviy- ma’rifiy yetuk bo‘lib voyaga yetishlariga, ommaviy ravishda sport bilan shug‘ullanishlariga, ularning huquqlari, erkinliklari va qonuniy manfaatlarini ta’minlashga, tarbiyasi og‘ir bo‘lgan, huquqbuzarlik va jinoyatchilik kabi salbiy holatlarga moyil yoshlarning ro‘yxatini tuzish, ular bilan profilaktik ishlarni tashkil etish, yoshlar o‘rtasida nazoratsizlik va huquqbuzarliklarning profilaktikasini amalga oshirishga bevosita mas’ul hisoblanadi.
O‘z o‘rnida kengash tarkibida alohida mavqega ega bo‘lgan mahalla fuqarolar yig‘inining Xotin-qizlar bilan ishlash va oilalarda ma’naviy-axloqiy qadriyatlarni mustahkamlash bo‘yicha mutaxassisi oilalarga kirib borish va o‘rganish, ota-onalar bilan doimiy ravishda muloqotda bo‘lish, nosog‘lom muhit yuzaga kelgan oilalar aniqlanganda, ularga yordam berish uchun zarur chora-tadbirlar belgilash va ularni amalga oshirishni tashkil etish, yoshlarni oilaviy hayotga tayyorlashda namunali oilalar hayot tajribasidan keng foydalanish, mutaxassislar ishtirokida erta turmush qurish holatlarining oldini olishga qaratilgan uchrashuv, suhbat va tushuntirish ishlarini tashkil etish masalalarida o‘zgalarga namuna bo‘lishi maqsadga muvofiq bo‘ladi.
Ma’naviy-ma’rifiy ishlar bo‘yicha direktor o‘rinbosari zimmasiga o‘quvchi yoshlarni milliy va umuminsoniy qadriyatlar ruhida tarbiyalashda, ona Vatanga muhabbat tuyg‘usini shakllantirishda ota- onalarga ko‘maklashish, yozuvchi, shoir, olim, san’atkor va yosh qalamkashlar ishtirokida ma’naviy-ma’rifiy tadbirlar tashkil etish vazifalari yuklatiladi.
Bu borada maktab psixologi ham alohida o‘rin tutadi. Chunki psixologning o‘quvchilar, ota-onalar, pedagogik jamoa bilan ishlashini e’tiborga oladigan bo‘lsak, bu mutaxassis har bir o‘g‘il-qizning, ota-onaning ichki dunyosini ilg‘ay olishi, ular bilan g‘oyat samimiy munosabatga kirishishi, pedagogik jamoaning esa jipslashuviga xizmat qilishi, ya’ni maktab muhitini sog‘lomlashtirish sirlaridan voqif bo‘lishi kutilgan natijani beradi.
Bugun maktab psixologi oldida ko‘p vazifalar turibdi. U test va treninglar o‘tkazishi, iqtidorli yoki past o‘zlashtiruvchi, xulqi o‘zgarayotgan, maktab ichki qonunlariga bo‘ysunmayotgan o‘quvchilar bilan suhbatlashishi, so‘ngra xulosasi asosida o‘qituvchi va ota-onalarga yo‘nalish berishi, maktabdagi psixologik muhitni yaxshilashga erishishi zarur