Оила, маҳалла, мактаб ҳамкорлик маркази”нинг намунавий низоми умумий қоидалар

“ОИЛА, МАҲАЛЛА, МАКТАБ ҲАМКОРЛИК МАРКАЗИ”НИНГ НАМУНАВИЙ НИЗОМИ

1. 
   Умумий қоидалар
   

1.1. “Оила, маҳалла, мактаб ҳамкорлик маркази” (кейинги ўринларда “Марказ”деб ёзилади) мустақил, демократик, тарбиявий, маънавий-маърифий жамоатчилик ташкилоти ҳисобланиб, ўз фаолиятини ўқувчи - ёшлар, ота-оналар ва кенг жамоатчилик иштирокида олиб боради ва шу асосда педагоглар раҳбарлигида бошқарилади.
1.2. Марказ Ўзбекистон Республикаси Конституцияси, амалдаги қонунчилик асосида фаолият кўрсатиб, унинг фаолиятида Ўзбекистон Республикаси «Таълим тўғрисида»ги Қонуни, Кадрлар тайёрлаш миллий дастури, Халқ таълими вазирлигининг 2004 йил 26 февралдаги Ҳайъат мажлисининг қарори билан тасдиқланган “Баркамол авлодни тарбиялашда оила, маҳалла, мактаб ҳамкорлиги Концепцияси” дастуриламал қилиб белгиланади.
1.3. Марказ умумий ўрта таълим мактабларида жамоатчилик асосида фаолият кўрсатади.


2. “Марказ”нинг мақсад ва вазифалари:
2.1.Ўқувчи - ёшлар тарбияси йўлида оила, мактаб ва маҳалланинг доимий ва самарали ҳамкорлигига эришиш.
2.2. Ўқувчи - ёшларни умуминсоний ва миллий қадриятларга садоқат руҳида тарбиялаш, онги ва қалбига ватанпарварлик, инсонпарварлик, халқпарварлик, келажакка ишонч ва интилиш, меҳнатсеварлик, бунёдкорлик, маърифатпарварлик каби эзгу ғоялар ва фазилатларни сингдириш, уларда фаол гражданлик позицияси ва мафкуравий иммунитетни мустаҳкамлаш орқали бузғунчи ғояларга қарши курашчанлик салоҳиятини ўстириш.
2.3. Вояга етмаганлар ўртасида содир этилиши мумкин бўлган нохуш ҳолатларнинг олдини олиш, уларнинг ҳуқуқий билимларини бойитиш, ҳуқуқий онги ва маданиятини ўстириш.
2.4. Ноқобил оилалар фарзандларига ҳаётда тўғри йўлни танлаши, билим олиши ва касб-ҳунар эгаллаши учун ҳар томонлама кўмак бериш.
2.5. Ўқувчи - ёшларни оилавий ҳаётга тайёрлаш, маҳалла ва жамиятдаги ўзаро муносабатларнинг илк ва асосий кўникмаларини шакллантириш ҳамда ривожлантириш.
2.6. Жамият, маҳалла, оила ва шахснинг узвий бирлиги тамойили асосида ўқувчи ёшларнинг умумжамият манфаатлари йўлидаги ижтимоий фаоллигини ошириш.
2.7. Маҳалланинг бугунги институционал имкониятларидан унумли фойдаланган ҳолда, ўқувчи - ёшлар ҳаёти билан боғлиқ ижтимоий-иқтисодий муаммоларни бамаслаҳат ҳал этиш, мавжуд шарт-шароитларни янада такомиллаштириш бўйича чора-тадбирларни амалга ошириш.
2.8. Марказни ўқувчи - ёшлар тарбиясидаги энг самарали усул ва воситалар муҳокама қилиниб, ҳар томонлама асосланиб, амалиётга жорий этиладиган чинакам маърифий маскан ва тажриба мактабига айлантириш.
2.9. Марказ фаолиятида ўқувчи - ёшларнинг нафақат ғоялар ва амалий ҳаракатлар истеъмолчиси, балки уларни яратувчи ва рўёбга чиқарувчи сифатидаги мавқеини мустаҳкамлаш, унда том маънодаги изланувчанлик ва ташаббускорлик муҳитини яратиш.
2.10.Ўқувчи - ёшлар тарбияси бўйича давлат ва нодавлат ташкилотлари билан фаол ҳамкорлик қилиш, уларнинг мавжуд ваколатлари ва имкониятларидан самарали фойдаланиш, бу борадаги умумий ўрта таълим мактаблари фаолиятига дахлдор ишларни муофиқлаштириш.
2.11. Ўқувчи - ёшларга нисбатан “Ҳеч ким, ҳеч қачон эътибордан четда қолган эмас” тамойилини жорий этиш ва фаолият давомида бу масалага доимий аҳамият қаратиш.
2.12. Ўқувчи – ёшлар ва уларнинг ота – оналари учун таълим – тарбия фаолиятини такомиллаштириш бўйича мутахассисларни жалб қилган ҳолда турли социологик сўровномалар, амалий тренинглар, мастер-класслар ўтказиш, психологик маслаҳатлар ташкил этиш.