Оила кутубхонаси бахтли бола маънавияти

51
 
http://fikr.uz/blog/2014_01_20/21089.html 

---

138 
Болангиз йўқолиб қолса... 
Ушбу вазиятдаги жавобни ота-оналар ҳам, болалар ҳам билишлари 
зарур. Ота-оналар кутилмаган вазиятга тушиб қолганларида ўзларини 
йўқотиб қўймасдан отаси ёки онасини топиш учун кимга мурожаат 
қилишларини билишлари зарур эканликларини ўз болаларига гапириб 
беришлари шарт. 
Гўдагингиз билан уйда ўйин тарзида турли вазиятларни юзага 
келтиринг, йўқолиб қолганида маълум муддат турган жойидан қўзғалмаслик 
кераклигини, ўшанда сиз уни топиб олишингиз осон бўлишини унга 
тушунтиришга ҳаракат қилинг. Агар анча вақт ўтиб кетиб, ота-онаси пайдо 
бўлмаса, ушбу ҳодиса савдо марказида юз берса, гўдак дўкон хизматчисига 
ёки кўчадан ўтаётган бирор кишига мурожаат қилиши мумкин. Саросимага 
тушиб қолганлиги учун бегоналардан қайси бирига ёрдам сўраб мурожаат 
қилиши кераклигини тезда илғаб оломаслигини эътиборга олиб, болангизга, 
мисол учун, гўдаги бўлган бошқа онага мурожаат қилиши зарурлигини 
уқтиринг. 
Савдо марказига келганда, агар бир-бирингизни назардан қочирган 
ҳолатда фарзандингизга учрашув жойини ўзи мустақил танлашини таклиф 
этинг. Булар болалар майдончаси, фаввора, яхмалак учуш майдони, 
қаҳвахона, ёрқин витринали дўкон бўлиши мумкин. Маълумотлар бюросида 
учрашиш ҳақида келишмаганингиз дуруст, сабаби уни кўпгина шоппинг-
марказларда ҳатто катталар ҳам қийинчилик билан топишади. 
Мутахассислар болани қўрқинчли “милиционер амаки”, “бегона хола” 
билан қўрқитишни маслаҳат бермайдилар, акс ҳолда гўдак ёлғиз қолганида 
формадаги инсонларга ҳам, ўткинчи йўловчиларга ҳам ёрдам сўраб мурожаат 
қила олмайди. Бегона инсонлар олдидаги қўрқувни йўқотиш учун болангизга 
сизнинг иштирокингизда дўкон қўриқчисидан нимадир, мисол учун, 
қаҳвахона ёки фонтан қаерда эканлигини сўрашни таклиф қилинг. 
Агар гўдак кўчанинг қаеридадир йўқолиб қолгудек бўлса, ёрдам сўраб 
истаган ташкилотга — дўкон, дорихона, кинотеатр, поликлиникага мурожаат 
қилиши мумкинлигини билиши керак. Бегона кишиларнинг уйга кириши ҳеч 
қайси ҳолатда, ҳатто, улар у ердан ота-оналарига қўнғироқ қилишни 
сўрашган тақдирда ҳам мумкин эмас. Агар йўқолган болани 20-30 дақиқа 

---

139 
мобайнида топишнинг иложи бўлмаса, милицияга мурожаат қилганингиз 
маъқул. Бундай ҳолатда қимматли вақтни йўқотгандан кўра тезроқ амалий 
чораларни қўллаган яхши. 
Йўқолиб қолган болангизни топиб олган кишилар кейин нима 
қилишларини билиши учун гўдак кийимининг астарига унинг исми ва 
сизнинг телефон рақамингиз ёзилган ёрлиқни тикиб қўйинг ёки сиз 
ҳақингиздаги маълумотлар акс эттирилган ёзувни чўнтагига солиб қўйинг. Бу 
гўдакни учратган кишининг тезда маълумотларни билиб олишига ва сиз 
билан боғланишига енгиллик туғдиради. Худди шу сингари ота-оналарнинг 
ўзлари ҳам эҳтиёткорликни қўлдан бой бермасликларига тўғри келади. 
Уларнинг ёнларида ҳамиша боласининг яқинда тушган фотосурати бўлса, 
ташқи қиёфасини таърифлаб вақтларини ўтказмасдан гўдакни тезда топиш 
имкониятлари ортади.
Бу маслаҳатлар айниқса, сиз чет элга дам олишга кетаётганингизда қўл 
келади. Чунки туб аҳолининг ёки полициянинг ҳаммаси ҳам сизнинг 
сўзларингизни тушунавермаслиги мумкин, энг яхшиси уларга фотосуратни 
кўрсатган маъқул. Бегона мамлакатда бўлган маҳалингизда болангизда сиз 
яшаётган меҳмонхона манзили ва телефон рақамингиз ёзилган қоғозча 
бўлиши кераклиги ёдингиздан кўтарилмасин. 
Бу каби кўникмаларни ҳаётда фарзандингиз қўлламагани яхши, 
албатта. Аммо агар тўсатдан бола ота-онасиз, кутилмаган вазиятга тушиб 
қолгудек бўлса, у барибир нима қилиш лозимлигини ва кимга мурожаат 
этиши кераклигини билиши шарт
52
.