Оила кутубхонаси бахтли бола маънавияти

 
Кўникма шаклланиш поғоналари:
1. Бола у ишлатмоқчи бўлган нарсанинг кимга тегишли эканлигига 
қизиқади. 
2. У эгасидан рухсат сўраш кераклигини яхши англайди: “Кечирасиз, 
майлими сизнинг …. Ишлатиб турсам?”. 
3. Шу билан бир қаторда у нарсани нима мақсадда олаётгани ва қачон 
қайтаришини айтиб ўтади. 
4. Бола қандай жавоб олишидан қатъий назар миннатдорчилик 
билдиради. 
41. “ЙЎҚ” ДЕЯ ОЛИШ
 
 
 
Кўникма мазмуни: 
сенга ёқмаган таклифлар бўлганда, уларни қатъиян 
рад этиш. 
 
Ушбу кўникма намоён бўлиши мумкин бўлган ҳолатлар: 
а) Катта болалар тенгдоши ёки катталарни алдашни таклиф қилганда; 
б) Катта болаларнинг ота-оналари нарсаларини сўроқсиз ишлатишга 
ундашганида; 
 
Кўникма шаклланмаганида: 
Бола бировга эргашиб қилган айби учун жавобгар бўлиб қолади. 
 

---

201 
Кўникма шаклланиш поғоналари:
1. Берилган таклиф ёқмагани, унда ҳавотир ҳиссини уйғотгани сабабли 
уни рад этиши. 
2. Агар бундай илтимосларни унга таниш инсонлар ёки ота-онаси 
айтаётган бўлса, у нега рад этгани сабабини тушунтиради. Бегона одам 
сўраганида эса шунчаки “йўқ” деб жавоб бериши мумкин. 
42. РАД ЖАВОБ ОЛГАНДА ЎЗИНИ ТУТИШ
 
 
Кўникма мазмуни:
бошқа инсон ўзини айбдор ҳис қилмаган ҳолда 
сизга рад жавобини беришга хақли эканини англаш. 
 
Ушбу кўникма намоён бўлиши мумкин бўлган ҳолатлар: 
а) Тенгдошидан ўйинчоғини сўраб турган бола рад жавобини олганда; 
б) Онасидан янги компютер ўйинини сотиб олиб беришини сўраган бола 
рад жавобини олганида; 
 
Кўникма шаклланмаганида: 
Бола илтимос қилиш ўрнига, талаб қилади. Инжиқлик билан ўзи 
хоҳлаган нарсага эришмоқчи бўлади.