Оғиз бўшлиғи аъзолари ва юз-жағ соҳалари тўқималарини

Инфильтрацион оғриқсизлантириш 
1880 йилда В.К. Анреп “Кокаиннинг физиологик таъсири ҳақида” олиб 
борган изланишлари хулосаларини нашр қилди. А.В.Орлов 1887 йилда “Хлорид 
кислотали кокаиннинг маҳаллий анестезияси ҳақида бир неча сўз” мақоласида, 
биринчи бўлиб, инфильтрацион анестезияни маҳаллий оғриқсизлантириш усули 
сифатида таклиф этди.
Инфильтрацион оғриқсизлантиришда анестезияловчи эритма тўқима ичига 
киритилади, тўқимага сингиб, шу жойдаги нерв толалари ва тугунларини блокада 
қилиши кўзда тутилади. Ривожланаётган патологик жараён ва оператив аралашув 
ўтказиладиган жойга нисбатан инфильтрацион анестезиянинг фокал ва перифокал 
усуллари ишлатилади. 
66 

---

Фокал инфильтрацион анестезия усулида
эритма бевосита аралашув 
амалга ошириладиган жойга киритилади. Масалан, фиброма ёки лунж шиллиқ 
пардаси папилломалари қесиб олинаётганда, анестетик модда тахмин қилинаётган 
кесмалар соҳасига киритилади. 
Перифокал инфильтрацион анестезия усулида
анестетик модда 
хирургик аралашув ўтказиладиган соҳага эмас, балки ундан ташқари (атроф)га 
киритилади. Бундай анестезияни ўтказувчан оғриқсизлантиришдан фарқлаш 
керак, унда ҳам анестетик аралашув ёки шикастланиш соҳасидан ташқарига 
киритилади, бироқ бунда асосий (магистрал) толани ёки бир неча нерв 
толаларини оғриқсизлантириш назарда тутилади. Болаларда инфильтрацион 
анестезия учун одатда маҳаллий анестетик моддаларнинг 0,25%, 0,5%
эритмалари қўлланилади (катталарнинг ярим дозаси). Айрим ҳолатларда эритма 
концентрацияси (1%гача) кўтарилиши ҳисобига (мувофиқ тарзда) киритиладиган 
анестетик модда ҳажмининг миқдори камайтирилади.
Стоматологияда болалар ёши қуйидаги даврларга ажратилади: I- тишсиз 
жағлар даври (1-кундан 6-ойгача); II – вақтинчалик тишлар пайдо бўлиши давр (6-
ойдан 2-ёшгача); III - вақтинчалик тишлар даври (2-дан 6-ёшгача); IV-тишлар 
алмашиши – алмашли тишлар даври-(6-12 ёш); V – доимий тишлар даври (12-15 
ёш). 
Болалар ёши даврларини ҳисобга олган ҳолда инфильтрацион 
оғриқсизлантириш усулини қўллашга кўрсатмалар қуйидагича: