Оғиз бўшлиғи аъзолари ва юз-жағ соҳалари тўқималарини

Ретикуляр саркома
кичик (2 ёшдан) бошлаб учрайди, адабиётларда кел-
тирилишича асосан 7-13 ёшдаги болаларда кузатилган. 
Шикоятлар:
секин катталашаётган шиш ва оғриққа қилинади. 
Клиник манзараси:
ўсма секин аста катталашади, дастлаб, деярли 
оғриқсиз кечади. Юқори жағ соҳасида бурун ва бўшлиқлари, кўз косаси томон 
ўсиб, шу аъзоларда функционал ўзгаришлар келтириб чиқаради. Ўсма устидаги
оғиз шиллиқ пардасида гиперимия (қизариш) юзага келади Кўз олмаси сурилган-
лиги сабабли, диплопия пайдо бўлади, бурундан нафас олиш қийинлашиб, қон 
аралаш ажралма (суюқлик) келади. Ўсма альвеоляр ўсиқ соҳасига тарқалганда, 
тишлар қимирлаб қолади. Шундай ўзгаришлар юзага келишига қарамай, боланинг 
умумий ҳолати қониқарли бўлиши мумкин. Ретикуляр саркома ўпка, лимфатик 
тугунлар ва таянч-ҳаракат суякларига метастаз -лар беради.
529 

---

Рентген тасвирида
суяк тўқимасининг ҳар хил катта-кичик ҳажмдаги до-
ира ва овалсимон шаклга эга четлари нотекис бўлган деструктив ўчоқлари кўри-
нади. 
Даволаш:
ўсма нур энергиясига сезувчан бўлганлиги учун дистанцион 
(масофавий) мегавольтли гамма ускуна ёрдамида радиотерапия ўтказилади. Гам-
ма тўлқинлар чўқур тўқималар (суяк)гача етиб бориш ҳусусиятига эга. 
 
Жағларда хавфли ўсма бўлган беморларни
даволаш принциплари 
Ҳар қандай хавфли ўсма билан хасталанган болаларни текширувлардан 
ўтказиб, ташҳис қўйиш ва даволаш ихтисослашган онкологик марказларда, ҳамда 
юқори савияли мутахасислар ва албатта зарур шарт шароитлар (юқори 
информатив натижалар олиш имкониятини таъминловчи клиник диагностик ва 
морфологик лабаратория ҳамда нур билан даволаш, ГБО, криодеструкция ва 
лазер, гипертермия, кимётерапия препаратлари) мавжуд бўлишини талаб қилади. 
Хавфли ўсмаси бўлган беморнинг комплекс (жарроҳлик, нур, кимё, иммун) 
даво олиши режалаштирилади.