Оғиз бўшлиғи аъзолари ва юз-жағ соҳалари тўқималарини

Даволаш:
комплекс равишда саркомага қарши кимётерапия ва ўсмани ра-
дикал ҳажмда олиб ташлаш операцияси ўтказилади. 
Фибросаркома
– 
суяк тўқимаси ҳосил қилишга мойил бўлмаган бирикти-
рувчи тўқимадан ривожланади. Жуда кам учрайдиган ўсма. А.А. Колесов бу 
ўсманинг кўпроқ иккиламчи равишда ривожланишини қайд этади. Бирламчи ги-
гант ҳужайрали ўсмаси, десмопластик фибромаси бўлган, рентген нурлари билан 
даволанган 34 бемордан 23 тасида фибросаркома ривожланганлиги кузатилган. 
Жағ суякларида саркомаларининг марказий ва периферик шакллари ажра-
тилади. Марказий фибросаркома суяк илиги бириктирувчи тўқимасининг строма-
сидан, периферик шакли эса – суяк усти пардаси (периост)дан ривожланади. 
527 

---

Юқори жағда периферик шаклдаги фибросаркома альвеоляр ўсиқ ва танаси 
(юқори жағ дўнглиги)да кўп учрайди. Пастки жағда аксарият ўсмаларнинг марка-
зий шакли ривожланади. 
Шикоятлар 
– 
аста секин ўсаётган ўсма мавжудлигига, шунингдек, оғиз 
ичидаги шиш ва шу соҳадаги нохушлик ҳамда бир оз оғриққа бўлади. 
Клиник манзараси
: 
Жағ соҳасида маълум ҳажмдаги ўсаётган буртма 
бўлиб, юзнинг юмшоқ тўқималари ўзгаришсиз. Оғиз бушлиғи альвеоляр ўсиқ ва 
ўтув бурмасида шиш аниқланади. Пайпасланганда сурункали гиперпластик пери-
оститга хос манзара кузатилади. Ўсма юқори жағда жойлашганда ўсмасида кўз 
ёриғи торайган, бурун қаноти ва бурун-лаб бурмаси яссилашган бўлади. Ўсма 
қанот-жағ оралиғигача тарқалган, оғиз очилиши чегараланади. 
Рентген манзараси:
– 
Пастки жағнинг периостал фибросаркомаси рентген 
тасвирида доира ёки овал шаклдаги, четлари яққол ажралиб тўрадиган, бир хил 
зичликдаги соя бўлиб кўринади, ташқи кортикал пластинкада аниқ чегараларига 
эга бўлган ёйсимон емирилиш, айрим ҳолларда эса, бигизсимон периостал 
қатламлар кузатилади. 
Пастки жағнинг марказий фибросаркомаси рентген тасвирида, чегаралари 
нотекис бўлган (остеомиелит касаллигига ўхшаш) деструкция ўчоғи кўринишида 
кўзга ташланади.