Оғиз бўшлиғи аъзолари ва юз-жағ соҳалари тўқималарини

Патогенези.
Илдиз учида кечган сурункали яллиғланиш ўчоғидан ҳосил 
бўлади. Дастлаб, яллиғланиш ўчоғида гранулема шаклланади, яллиғланиш тез-тез 
ҳуруж қилганлиги сабабли, гранулема ичида некротик жараён кечади. Гранулема 
қобиғи эпителиал томирларидаги эпителиал ҳужайралар ҳосил бўлган бўшлиқни 
эгаллайди – шундай қилиб, эпителиал қатлам юзага келади. Эпителиал ҳужайра-
лардан чиқаётган суюқлик кўпайиб, суякка босим ўтказади ва резорбцияни юзага 
518 

---

келтиради. Шунинг ҳисобига киста ўсади, катталашаётган киста ичидаги суюқлик 
тиниқ сарғиш тусда бўлиб, ичида майда ҳолестерин кристаллари кўринади. 
Суюқлик хира (лойқа) бўлса, бундай ҳолат яллиғланиш аломатлари борлигини 
билдиради. Айрим ҳолларда киста ичида йирингли экссудат бўлади. 
Болаларда сут тишларидан ривожланган одонтоген киста катталаша бориб, 
унинг қобиғи доимий тиш куртагининг қобиғи билан бирлашади. Киста доимий 
тиш куртагини четга суради ёки ўсаётган доимий тиш тож қисми билан киста 
ичига ботиб киради, шаклланаётган илдиз киста ташқарисида қолади. 
Фолликуляр киста ривожланишини қатор олимлар (М.А. Астанов, АИ. Аб-
рикосов) эмбрионал эпителиал қолдиқлар (Маляссе ҳужайралари) билан, бошқа 
олимлар эса тиш куртаги қобиғининг яллиғланиши таъсирида эпителий ҳужайра-
ларининг пролиферацияси билан боғлашади. 
И.И. Ермолаев (1964) фолликуляр кисталардан, болаларда сут тишлари-
нинг дойимий тишлар билан алмашинуви даврида учрайдиган тиш сақловчи ки-
сталар гуруҳини ажратган. Уларнинг ривожланишига сут тишларининг перио-
донтити сабаб бўлади. Шундай қилиб, фолликуляр кисталар икки гуруҳга ажра-
тилади. Биринчиси чин фолликуляр кисталар бўлиб, уларга тиш ҳосил қилувчи 
эпителий аъзонинг ривожланиши нуқсони сабабчи бўлган ва иккинчиси яллиғла-
нишга оид генезга эга бўлган тиш сақловчи кисталардир. 
Шикоятлар:
фолликуляр ёки радикуляр кисталар ривожланиш даврлари-
да беморларни деярли безовта қилмайдилар. Кисталар қаттиқ консистенцияга эга 
бўлиб, альвеоляр ўсиқ, жағ танасидаги шиш сезиларли даражада катталашганда, 
тишлар сурилиб ҳамда қимирлаб қолганлиги ёки муддатига кўра тушган сут ти-
шлари ўрнига доимий тишлар чиқмаганлигига шикоят қиладилар. Кисталар 
яллиғланган даврда ўткир йирингли периостит ёки остеомиелит касалликларига 
хос белгиларга шикоятлар қилинади.