Оғиз бўшлиғи аъзолари ва юз-жағ соҳалари тўқималарини

Қиёсий ташхислаш
остеома белгилари билан солиштирган ҳолда ўткази-
лади. Остеомада ўсманинг сояси гомоген бўлиб, зичлиги пастроқ бўлади. Шунин-
гдек морфологик текширув натижалари эътиборга олинади. 
Даволаш:
ўсма суякдан капсуласи билан бирга ажратиб олинади. Ўсма 
остида ва ён атрофида бўлган тишлар сақлаб қолинади. Аралаш одонтомада ўсма-
ни олиш учун суяк қисман резекция қилинади. 
Одонтоген фиброма.
Ўсма тиш куртагининг бириктирувчи тўқимасидан 
ва тиш ҳосил қилувчи эпителийдан ривожланади. Юқори ва пастки жағларда ба-
робар учрайди. 
Шикоятлар
– 
жағда оғриқсиз, секин ўсадиган шиш борлигига бўлади. 
Клиник манзараси:
жағ суяги катталашиб юз шакли ўзгарганлиги, юмшоқ 
тўқималарда ўзгариш аниқланмайди. Сурункали одонтоген инфекция ўчоқлари 
таъсирида яллиғланиш жараёни ривожланиши ва симптомлари сурункали остео-
миелитга ўхшаш ҳолат юзага келиши мумкин.
Рентген тасвирида
поликистоз кўринишда, суякнинг катта қисмини 
эгаллаган, чегаралари аниқ ва текис бўлган ўсманинг сояси кўринади. Ёнидаги 
тишларнинг куртаклари сурилиб, ретенцияга учраганлиги кузатилади. 
Ташхислаш жараёнида одонтоген фибромани амелобластик фиброма би-
лан қиёслаб фарқлаш керак. Якуний хулоса – операция вақтида олинган тўқима-
нинг гистологик текшируви натижалари асосида қилинади. 
513 

---

Даволаш:
Ўсманинг жарроҳлик усули ёрдамида олиб ташлашдан иборат. 
Жағ суяклари миксомаси
хавфсиз мезенхимал шиллиқ ҳосил қилувчи 
ўсма бўлиб, кам учрайди. Секин ва оғриқсиз ўсиб, беморни деярли безовта қил-
майди. 
Шикоятлар –
секин пайдо бўлган жағдаги шишга бўлади. 
Клиник манзараси:
жағнинг зарарланган соҳаси катта (қалин)лашади. 
Пайпасланганда – оғриқсиз, юзалари текис. Катталашган лимфа безларини учра-
тиш мумкин. Ўсма пастки альвеоляр нервнинг сиқилишига олиб келса, унинг ин-
нервация қилиш худудида парестезия пайдо бўлади. Тишлар жойларидан силжиб, 
қимирлаб қолади.